رسائی کے لنکس

logo-print

صدر اوبامانومبر میں انڈونیشیا کا دورہ کریں گے


براک اوباما نے اپنے پچین کا کچھ عرصہ انڈونیشیا میں گذاراتھا

صدربراک اوباما نے کہاہے کہ وہ اپنے وعدے کی تکمیل کے لیے نومبر میں انڈونیشیا کا دورہ کریں گے۔ اس سے قبل دور بار ان کا یہ دورہ ملتوی ہوچکاہے۔ صدر اوباما نے اپنے بچپن کا کچھ عرصہ اس ملک میں گذاراتھا۔

جمعرات کے روز اقوام متحدہ کی جنرل اسمبلی میں اپنے خطاب کے دوران مسٹر اوباما نے کہا کہ وہ بھارت کے پہلےسے طے شدہ دورے کے بعد انڈونیشیا جائیں گے۔ اپنے اسی دورے میں وہ جنوبی کوریا میں ہونے والےگروپ 20 سربراہ کانفرنس اور جاپان میں ایشیا پیسفک اکنامک فورم کے اجلاس میں بھی شرکت کریں گے۔

مسٹر اوباما دنیا کے اس سب سے بڑے مسلم اکثریتی ملک انڈونیشیا کا دورہ اس سال مارچ میں کرنے والے تھے، جس کے لیے بعدازاں جون کا مہینہ مقرر کیا گیاتھا۔ تاہم اس دورے کو دوسری بار بھی ملتوی کردیا گیا تھا۔ پہلی بار دورے کے التوا کی وجہ امریکہ میں صحت کے نظام کی دیکھ بھال سے متعلق قانون سازی کے مراحل تھے اور جون میں یہ دورہ خلیج میکسیکو میں ایک زیر آب تیل کا کنواں پھٹنے کی بنا پر ملتوی کرنا پڑا تھا۔

انڈونیشیا نے دوروں کے ملتوی کیے جانے کے بارے میں عوامی سطح پر کوئی شکایت نہیں کی ہے۔ تاہم انڈونیشیا کے صدر سسیلو بام بانگ یودھویونو یہ کہہ چکے ہیں کہ وہ جمعے کے روز صدر اوباما اور جنوب مشرقی ایشیائی ممالک کے راہنماؤں سے ملاقات کے لیے نیویارک نہیں جائیں گے۔ انہوں نے کہاہے کہ ان کی پہلے سے کچھ مصروفیات ہیں۔



XS
SM
MD
LG