رسائی کے لنکس

logo-print

صدر اوباما ایل سلواڈور پہنچ گئے


امریکی صدر براک اوباما لاطینی امریکہ کے سہ ملکی دورہ کے آخری مرحلے میں ایل سلواڈور پہنچے ہیں جہاں وہ اپنے ہم منصب موریشیو فیونز سے امیگریشن اور اسمگلنگ کی روک تھام سمیت باہمی دلچسپی کے دیگر اہم موضوعات پر تبادلہ خیال کرینگے۔

صدر اوباما کے ہمراہ خاتونِ اول مشیل اوباما اور وفد کے دیگر ارکان بھی ہیں جو چلی کا دورہ مکمل کرکے منگل کے روز ایل سلواڈور پہنچے ہیں۔

وہائٹ ہاؤس کے حکام کا کہنا ہے کہ صدر اوباما اور ان کے سیلواڈورن ہم منصب ایل سلواڈور کو درپیش دو اہم مسائل – سیکیورٹی اور معاشی بدحالی- پر گفتگو کرینگے۔

واضح رہے کہ گزشتہ ایک دہائی سے ایل سلواڈور کی معاشی ترقی کی شرح انتہائی کم ہے جبکہ ایل سلواڈور کے قانونی اور غیر قانونی تارکینِ وطن کی ایک بڑی تعداد امریکہ میں مقیم ہے۔

اوباما انتظامیہ کا کہنا ہے کہ وہ سلواڈورین حکومت کے ساتھ معیشت کی بہتری اور سیکیورٹی کے معاملات پر تعاون کی خواہاں ہے۔صدر اوباما اپنے دورے کے دوران صدارتی محل میں اپنے اعزاز میں دیے گئے ایک عشائیہ میں بھی شرکت کرینگے۔

XS
SM
MD
LG