موریشیس میں جاپان کے تیل بردار جہاز سے خام تیل کے اخراج سے آبی حیات کو شدید خطرہ لاحق ہے۔ جہاز میں ہزاروں ٹن تیل موجود ہے جب کہ ایک ہزار ٹن سے زائد تیل اب تک سمندر میں بہہ چکا ہے۔ موریشیس میں سیکڑوں شہری رضاکارانہ طور پر سمندر کی صفائی مہم میں شامل ہو گئے ہیں۔
موریشیس میں بحری جہاز سے تیل کا اخراج
1
موریشس کے وزیر اعظم نے ہنگامی حالت کا نفاذ کرتے ہوئے بین الاقوامی برادری سے مدد کی اپیل کی تھی۔
2
موریشیس کے حکام کا کہنا ہے تیل کے اخراج سے اب تک ساحل کا تقریباً 15 کلو میٹر تک کا علاقہ بری طرح متاثر ہوا ہے۔
3
معاشی ماہرین کا کہنا ہے کہ تیل کے اخراج سے بحر ہند کے اس جزیرے کو معاشی مشکلات کا سامنا کرنا پڑ سکتا ہے کیوں کہ یہاں کے لوگوں کی آمدنی کا انحصار سیاحت پر ہے۔
4
پولیس اور آگ بجھانے والا عملہ ساحل سے تیل کی صفائی کے کام میں مصروف ہے۔ تیل موریشیس کے جنوبی مشرقی ساحل پر دور دور تک پھیل گیا ہے۔
فیس بک فورم