رسائی کے لنکس

logo-print

اعتماد کی بحالی کے لیے بلا تعطل مذاکرات ضروری


اعتماد کی بحالی کے لیے بلا تعطل مذاکرات ضروری

اسلام آباد میں بھارت کے ہائی کمشنر شرت شبروال نے منگل کو وزیر مملکت برائے اُمور خارجہ حنا ربانی کھر سے ملاقات کی جس میں دوطرفہ تعلقات اور جاری امن مذاکرات پر بات چیت کی گئی۔

دفتر خارجہ سے جاری ہونے والے ایک بیان کے مطابق حنا ربانی کھر نے پاک بھارت امن مذاکرات کی مکمل بحالی اور اس میں ہونے والی پیش رفت پر اطمینان کا اظہار کیا۔ اُنھوں نے اس بات پر بھی زور دیا کہ مذاکرات بغیر کسی تعطل کے جاری رہنے چاہئیں تاکہ اُن سے اعتماد ساز ی کی بحالی اور بات چیت کے عمل کونتیجہ خیز بنانے میں مدد ملے۔

حنا ربانی کھر نے کہا کہ دونوں ممالک کے درمیان تعاون پر مبنی تعلقات پاکستان کی خارجہ پالیسی کا اہم جز ہے ۔

بیان کے مطابق بھارتی ہائی کمشنر نے بھی وزیر مملکت کے اس موقف سے اتفاق کیا کہ بات چیت کا عمل اعتما د کی بحالی اور تما م مسائل کے حل کے لیے ضروری ہے۔

وزیرمملکت برائے اُمور خارجہ حنا ربانی کھر رواں ماہ کے اواخر میں دونوں ممالک کے وزرائے خارجہ سطح کے مذاکرات میں شرکت کے لیے نئی دہلی جائیں گی۔

XS
SM
MD
LG