رسائی کے لنکس

logo-print

راولپنڈی میں ایڈیشنل سیشن جج قتل


فائل فوٹو

فائرنگ سے شدید زخمی ہونے والے جج کو بینظیر پھٹو اسپتال لے جایا گیا مگر وہ اپنے زخموں کی تاب نہ لا کر چل بسے۔ اسپتال ذرائع کے مطابق ان کی موت زیادہ خون بہہ جانے کے باعث ہوئی۔

راولپنڈی کے ایک ایڈیشنل اینڈ ڈسٹرکٹ سیشنز جج کو نامعلوم افراد نے فائرنگ کر کے ہلاک کر دیا ہے۔

اطلاعات کے مطابق بدھ کو موٹر سائیکل سوار حملہ آوروں نے جج طاہر خان نیازی کی گاڑی پر اس وقت فائرنگ کی جب وہ جوڈیشل کالونی میں واقع اپنی رہائش گاہ سے نکل رہے تھے۔

حملہ آور فائرنگ کے بعد جائے واقعہ سے فرار ہونے میں کامیاب ہو گئے۔

فائرنگ سے شدید زخمی ہونے والے جج کو راولپنڈی میں قریبی اسپتال لے جایا گیا مگر وہ اپنے زخموں کی تاب نہ لا کر چل بسے۔ اسپتال ذرائع کے مطابق ان کی موت زیادہ خون بہہ جانے کے باعث ہوئی۔

پولیس نے جائے واردات پر پہنچ کر علاقے کو گھیرے میں لے لیا اور واقعے کی تحقیقات شروع کر دیں۔

ابھی قتل میں ملوث افراد اور اس کے محرکات کے بارے میں کوئی تفصیلات سامنے نہیں آئیں۔

XS
SM
MD
LG