رسائی کے لنکس

logo-print

برفانی تودہ گرنے سے چار پاکستانی فوجی ہلاک


فائل فوٹو

عسکری حکام کے مطابق شدید سرد موسم میں دشوار حالات کے باوجود فوری امدادی کارروائی کر کے 22 اہلکاروں کو زندہ نکال لیا گیا۔

پاکستان کے شمالی پہاڑی علاقوں میں برفانی تودہ گرنے سے کم از کم چار فوجی ہلاک ہو گئے۔

عسکری عہدیداروں کے مطابق منگل کی شب استور کے علاقے میں ایک برفانی تودہ گرنے سے اس میں 26 فوجی دب گئے۔ تاہم شدید سرد موسم میں دشوار حالات کے باوجود فوری امدادی کارروائی کر کے 22 اہلکاروں کو زندہ نکال لیا گیا۔

تاہم سرکاری طور پر مزید تفصیلات نہیں بتائی گئیں۔ لیکن گلگت بلتستان کے پہاڑی علاقوں میں برفبانی تودے گرنے کے واقعات ماضی میں ہوتے رہے ہیں۔

اس سے قبل 2012ء میں سیاچن گلیشیئر کے گیاری سیکٹر میں فوج کی سکس ناردرن لائٹ انفنٹری بٹالین ہیڈکوارٹرز پر برفانی تودہ گرنے سے وہاں تعینات 140 افراد ہلاک ہو گئے تھے۔
XS
SM
MD
LG