رسائی کے لنکس

logo-print

ڈیو واٹمور پاکستانی ٹیم کے نئے کوچ مقرر


پاکستان کرکٹ بورڈ نے ڈیوواٹمور کو قومی کرکٹ ٹیم کا نیا کوچ اور جولین فاؤنٹین کو فیلڈنگ کوچ مقرر کیا ہے۔

سابق آسٹریلوی کھلاڑی ڈیو واٹمور کے ساتھ دو سال کے لیے معاہدہ کیا گیا ہے۔

ڈیو واٹمور
ڈیو واٹمور

57 سالہ واٹمور اس سے قبل بنگلہ دیش اور سری لنکا کی ٹیموں کی کوچنگ کرچکے ہیں اور وہ گیارہ مارچ سے بنگلہ دیش میں شروع ہونے والے ایشیا کپ سے اپنی ذمہ داریاں سنبھالیں گے۔ وہ پاکستانی ٹیم کے چوتھے غیر ملکی کوچ ہیں۔

ان کی کوچنگ میں سری لنکا 1996ء کا کرکٹ کا عالمی کپ جیت چکا ہے۔

ڈیو واٹمور کا انتخاب پاکستانی کوچ وقار یونس کے گزشتہ سال مستعفی ہونے کے بعد پی سی بی کی قائم کردہ ایک کمیٹی نے کیا۔ وقار یونس کے استعفیٰ کے بعد چیف سلیکٹر محسن حسن خان کو عبوری کوچ مقرر کیا گیا تھا۔

پاکستانی ٹیم کے باؤلنگ کوچ عاقب جاوید بھی انگلینڈ کے خلاف حالیہ سیریز میں مستعفی ہوچکے ہیں۔

XS
SM
MD
LG