رسائی کے لنکس

logo-print

طالبان کی عدالت میں چور کی سزا موت


طالبان کی عدالت میں چور کی سزا موت

صوبہ خیبر پختون خواہ کے ضلع ہنگو میں مشتبہ طالبان شدت پسندوں نے چار مفرور ملزموں کو ہلاک کر دیا ہے۔

منگل کو پولیس حکام نے بتایا ہے کہ شدت پسندوں نے چاروں افراد کو گولیاں مار کر قتل کرنے کے بعد اُن کی لاشیں سڑک کے کنارے پھینک دی تھیں۔

لاشوں کے پاس سے ملنے والی تحریر میں ملزمان کے ناموں کی نشاندہی کے علاوہ کہا گیا ہے کہ اُنھوں نے اپنا جرم قبول کر لیا تھا۔ اس کے ساتھ ہی یہ ہدایت بھی کی گئی ہے کہ ان کی نماز جنازہ ادا نا کی جائے کیوں کہ وہ ’چور‘ تھے۔

حکام نے تصدیق کی ہے کہ لاشیں پولیس کو مطلوب ملزموں ہی کی ہیں۔

پاکستان کے شورش زدہ شمال مغربی علاقوں میں طالبان شدت پسند عوام کی حمایت حاصل کرنے کے لیے وقتاً فوقتاً مشتبہ ملزمان کو موت سمیت اپنی طے کردہ دیگر سزاؤں کا نشانہ بناتے رہتے ہیں۔

XS
SM
MD
LG