رسائی کے لنکس

logo-print

بیرون ملک مقیم پاکستانیوں کو ووٹ ڈالنے کا حق


بیرون ملک مقیم پاکستانیوں کو ووٹ ڈالنے کا حق

الیکشن کمیشن نے سمندر پار پاکستانیوں کو ملک میں آئندہ ہونے والےعام انتخابات میں ووٹ کا حق استعمال کرنے اور انتخابی فہرستوں میں اُن کے ناموں کے اندراج کا فیصلہ کیا ہے۔

الیکشن کمیشن کے سیکرٹری اشتیاق احمد کی سربراہی میں میں منگل کو ہونے والے کمیشن کے ایک اجلاس میں کیے گئے اس فیصلے کے بعد 37 لاکھ پاکستانی تاریکین وطن آئندہ انتخابات میں حصہ لے سکیں گے۔

اجلاس میں وزارت خارجہ اور وزارت قانون و انصاف کے نمائندوں نے بھی شرکت کی اور شرکا نے بیرون ملک مقیم پاکستانیوں کو ڈاک کے ذریعے ووٹ ڈالنے اور پاکستانی سفارت خانوں میں پولنگ بوتھ قائم کرنے کے علاوہ دیگر امکانات پر بھی غور کیا۔ تاہم اس بارے میں حتمی فیصلہ الیکشن کمیشن کے آئندہ اجلاس میں کیا جائے گا۔

XS
SM
MD
LG