رسائی کے لنکس

logo-print

پاکستان میں 44 ملین ڈالرز سے زائد مالیت کی ہیروئن برآمد


پاکستان میں 44 ملین ڈالرز سے زائد مالیت کی ہیروئن برآمد

پاکستانی حکام نے ایک اسمگلر گروہ کے کئی ارکان کو گرفتار کرکے بھاری مقدار میں منشیات برآمد کرنے کا دعویٰ کیا ہے۔

انسدادِ منشیات کی سرکاری تنظیم 'اینٹی نارکوٹکس فورس' کے مطابق اس کے اہلکاروں نے پیر کے روز ملک کے سب سے بڑےشہر کراچی میں ایک چھاپہ مار کاروائی کے دوران 100 کلوگرام سے زائد ہیروئن برآمد کی ہے۔

اے این ایف کے مطابق مذکورہ ہیروئن کراچی کی بندرگاہ پر لائے گئے ایک کنٹینر میں موجود ماچس کی ڈبیوں میں چھپائی گئی تھی۔

حکام کے مطابق اے این ایف نے ایک اور کاروائی کے دوران کراچی کے نواح سے 267 کلوگرام سے زائد ہیروئن بھی برآمد کرکے منشیات کی اسمگلنگ میں ملوث ایک گروہ کے پانچ ارکان کو گرفتار کرلیا ہے۔

حکام کا کہنا ہے کہ برآمد کی گئی ہیروئن پڑوسی ملک افغانستان سے پاکستان کے شمال مغربی صوبے خیبر پختونخوا اسمگل کی گئی تھی جہاں سے اسے کراچی لایا گیا۔

حکام کے مطابق عالمی منڈی میں برآمد کردہ ہیروئن کی مالیت 44 ملین ڈالرز سے زائد ہے۔

XS
SM
MD
LG