رسائی کے لنکس

logo-print

بشیر بلور کی ہلاکت پر امریکہ کا اظہار افسوس


سفیر رچرڈ اولسن

پاکستان میں امریکہ کے سفیر رچرڈ اولسن نے بشیر بلور کو خراج عقیدت پیش کرتے ہوئے کہا کہ وہ خوف اور دہشت کی سیاست کے خلاف تھے اور ایک باہمت انسان تھے

امریکہ نے پاکستان میں صوبہ خیبر پختونخوا کے سینیئر صوبائی وزیر بشیر احمد بلور کی ہلاکت پر افسوس کا اظہار کیا ہے۔

اتوار کو اسلام آباد میں امریکی سفارتخانے سے جاری ہونے والے بیان میں سفیر رچرڈ اولسن نے بشیر بلور کی موت پر دکھ کا اظہار کرتے ہوئے ان کے اہل خانہ سے تعزیت کا اظہار کیا۔

سفیر اولسن نے بشیر بلور کو خراج عقیدت پیش کرتے ہوئے کہا کہ وہ خوف اور دہشت کی سیاست کے خلاف تھے اور ایک باہمت انسان تھے۔’’ ہم متعدد خطرات کے باوجود جمہوری اقدامات پر ثابت قدم رہنے پر بشیر بلور کو خراجِ عقیدت پیش کرتے ہیں۔‘‘

بیان میں کہا گیا ہے کہ امریکی سفارتخانہ اس غضبناک حملے کی مذمت میں پاکستانی عوام کے ساتھ ہے اور امید کرتا ہے کہ محفوظ اور خوشحال پاکستان کے لیے بلور کے ویژن پر لوگ کام جاری رکھیں گے۔

سینیئر صوبائی وزیر بشیر احمد بلور ہفتہ کو پشاور میں ایک خودکش بم حملے میں ہلاک ہوگئے تھے۔
XS
SM
MD
LG