رسائی کے لنکس

logo-print

پانچ کروڑ ڈالر کی اضافی امریکی امداد


پانچ کروڑ ڈالر کی اضافی امریکی امداد

امریکہ نے کیری لوگر برمن بل کے تحت پاکستان کو دی جانے والی ساڑھے سات ارب ڈالر کی غیر فوجی امداد میں سے پانچ کروڑ ڈالر سیلاب زہ علاقوں میں امدادی کارروائیوں کے لیے فوری طور پر فراہم کرنے کا اعلان کیا ہے۔ بدھ کو سندھ میں متاثرہ علاقوں کے دورے کے موقع پر سکھر میں پریس کانفرنس سے خطاب کرتے ہوئے امریکہ کے ادارہ برائے بین الاقوامی ترقی ”یو ایس ایڈ“ کے سربراہ راجیو شا نے کہا کہ اس امداد کو سیلاب زدگان کے لیے خوراک ، ادویات اور اُنھیں خیمے فراہم کرنے کے لیے خرچ کیا جائے گا۔

امریکی سفارت خانے کے ترجمان رچر ڈ سنیلسائر نے وائس آف امریکہ کو بتایا کہ یہ رقم اُن 15 کروڑ ڈالرز کے علاوہ ہے جو امریکہ پہلے ہی سیلاب زدگان کی فوری امداد کے لیے فراہم کر نے کا اعلان کر چکا ہے ۔

پاکستان میں بدترین سیلاب کی تباہ کاریوں سے نمٹنے کے لیے فراہم کی جانے والی بین الاقوامی امداد میں امریکہ سرفہرست ہے جب کہ اُس کے 19 فوجی ہیلی کاپٹر اور درجنوں فوجی اہلکار بھی متاثرہ افراد تک امداد پہنچانے اور اُنھیں محفوظ مقامات پر منتقل کرنے میں مصروف ہیں۔

XS
SM
MD
LG