رسائی کے لنکس

logo-print

یوم ارض فلسطین کے موقع پر مظاہرین اور اسرائیلی فورسز میں جھڑپیں


جمعے کے روز یوم ارض فلسطین کے موقع پر نکلنے والے جلوسوں کے شرکاء کی اسرائیلی سیکیورٹی فورسز سے جھڑپیں ہوئیں اور سرکاری اہل کاروں نے انہیں منشتر کرنے کے لیے ربڑ کی گولیاں، آنسوگیس اور بے سدھ کرنے والے گولے استعمال کیے۔

کئی فلسطینیوں نے اسرائیل اور فلسطینی علاقے کے درمیان قائم پڑتالی چوکیوں پر پتھراؤ کیا۔

فلسطنیوں نے اسرائیلی پالیسیوں کے خلاف احتجاج کے لیے یروشلم تک عالمی مارچ کی اپیل کی تھی۔

فلسطینیوں کا کہناہے کہ اسرائیل نے ان کی سرزمین پر قبضہ جمایا ہواہے۔

اسرائیلی فورسز لبنان اور شام سے ملنے والی سرحدوں پر انتہائی چوکس ہیں۔

خبروں میں بتایا گیا ہے کہ کسی بھی مقام پر سرحدی خلاف وزری کے کسی واقعہ کی اطلاع نہیں ملی ، جب کہ گذشتہ سال یوم ارض فلسطین پر ایسے کئی واقعات رپورٹ کیے گئے تھے۔

XS
SM
MD
LG