امریکہ نے شامی حکومت کی طیارہ شکن گولے باری کے نتیجے میں گر کر تباہ ہونے والے روسی طیارے کے واقعے پر اظہار افسوس کیا ہے، جس میں عملے کے ارکان ہلاک ہوئے۔
ایک بیان میں امریکی وزیر خارجہ مائیک پومپیو نے کہا ہے کہ کل کا یہ بدقسمت واقع ہمیں یاد دلاتا ہے کہ خطے میں جاری متعدد تنازعات کا مستقل، پُرامن اور سیاسی تصفیہ تلاش کیا جانا ضروری ہے؛ اور شام کی لڑائی میں مختلف فریق کی جانب سے کسی افسوس ناک بھول چوک کے خطرناک نتائج برآمد ہو سکتے ہیں۔
وزیر خارجہ نے کہا ہے کہ یہی وجہ ہے کہ شام کے تنازعے کو اقوام متحدہ کی سلامتی کونسل کی قرارداد 2254 کے مطابق حل کیے جانے کی ضرورت ہے؛ اور شام کے راستے ایران کے خطرناک ہتھیاروں کے نظام کی اشتعال انگیز دستیابی روکنا ضروری ہے، جو معاملہ علاقے کے لیے خطرے کا باعث ہے۔