امریکہ میں پیر کو 'پریزیڈنٹس ڈے' منایا گیا۔ یہ دن ہر سال فروری کے تیسرے پیر کو امریکہ کے تمام سابق صدور خصوصاً پہلے صدر جارج واشنگٹن کو خراجِ تحسین پیش کرنے کے لیے منایا جاتا ہے۔ لیکن اس بار اس دن پر امریکہ کے مختلف شہروں میں صدر ڈونلڈ ٹرمپ کے خلاف مظاہرے ہوئے۔ مظاہرین صدر کی جانب سے ملک میں ہنگامی حالت کے نفاذ کے خلاف احتجاج کر رہے تھے۔
تصاویر: پریزیڈنٹس ڈے پر ٹرمپ کے خلاف مظاہرے
1
صدر ٹرمپ نے جمعے کو وائٹ ہاؤس میں ایک پریس کانفرنس سے خطاب کرتے ہوئے ملک میں ہنگامی حالت کے نفاذ کا اعلان کیا تھا۔
2
صدر نے ہنگامی حالت میکسیکو کے ساتھ سرحد پر دیوار کی تعمیر کے لیے نافذ کی ہے تاکہ انہیں کانگریس کی منظوری کے بغیر دیوار کے لیے درکار فنڈز مل سکیں۔ لیکن ان کے اس اقدام پر کڑی تنقید کی جا رہی ہے۔
3
امریکہ کی 16 ریاستوں نے متفقہ طور پر ایمرجنسی کے نفاذ کے حکم نامے کو عدالت میں چیلنج کردیا ہے جب کہ اس کے خلاف ملک بھر میں احتجاج بھی ہو رہا ہے۔
4
ہنگامی حالت کے نفاذ سے صدر کو کانگریس کی منظوری کے بغیر بجٹ میں مختلف مدات میں رکھے گئے فنڈز کو دیوار کی تعمیر کے لیے استعمال کرنے کا اختیار حاصل ہوگیا ہے۔
فیس بک فورم