رسائی کے لنکس

logo-print

زیرحراست امریکی شہریوں کے خلاف عدالت میں گواہوں کی پیشی


زیرحراست امریکی شہریوں کے خلاف عدالت میں گواہوں کی پیشی

سرگودھا کی انسداد دہشت گردی کی عدالت میں پاکستان میں دہشت گردی کے الزام میں قید پانچ امریکی شہریوں کے مقدمے میں استغاثہ نے ہفتے کو نو گواہ پیش کیے جن میں سب سے اہم سرگودھا کے ضلعی پولیس افسر ڈاکٹر عثمان انور تھے جنہوں نے گذشتہ برس ان امریکی شہریوں کی گرفتاری میں مرکزی کردار ادا کیا تھا۔

وکیل صفائی بیرسٹر حسن کھچیلا نے وائس آف امریکہ کے ساتھ انٹرویو میں بتایا کہ ڈی پی او عثمان انور نے جرح کے دوران تسلیم کیا کہ ان افراد کو گرفتار کرنے کے بعد ابتدائی دنوں میں وہ میڈیا سے غلط بیانی کرتے رہے ہیں۔

استغاثہ کے وکیل ندیم اکرم چیمہ نے بتایا کہ سرگودھا کے ضلعی پولیس افسر نے محض یہ تسلیم کیا تھا کہ وہ زیرحراست امریکی شہریوں کی سکیورٹی کے پیش نظر بعض اطلاعات میڈیاکوغلط فراہم کرتے رہے ہیں۔

واضح رہے کہ دہری شہریت رکھنے والے ان پانچوں امریکی نوجوانوں کا تعلق ریاست ورجینیا سے ہے اور انھیں گذشتہ دسمبرمیں سرگودھا کے ایک گھر سے گرفتار کیا گیا تھا ۔

XS
SM
MD
LG