رسائی کے لنکس

logo-print

برما کا معاشی ترقی کے لیے سنگاپور سے معاہدہ


برما کا معاشی ترقی کے لیے سنگاپور سے معاہدہ

برما نے سنگاپور کے ساتھ ایک معاہدے پر دستخط کیے ہیں جس کے تحت شہری ریاست برمی معیشت کو جدید خطوط پر استوار کرنے میں مدد فراہم کرے گی۔

معاہدے پر دستخط برما کے صدر تھین سین کے دورہ سنگاپور کے دوران پیر کو کیے گئے۔ صدر سین کاروباری راہنماؤں اور وزرا پر مشتمل ایک اعلیٰ سطحی وفد کے ہمراہ چار روزہ دورے پر گزشتہ روز سنگاپور پہنچے تھے۔

معاہدے کے تحت سنگاپور برمی شہریوں کو معاشی منصوبہ بندی اور شہری ترقی کے شعبوں میں تربیت دینے کے لیے برمی حکومت کو تیکنیکی معاونت فراہم کرے گا۔

یاد رہے کہ برما کی معیشت آمرانہ حکومتوں کی بدانتظامی اور انسانی حقوق کی بدترین صورتِ حال کے باعث گزشتہ کئی دہائیوں سے ابتر اور پابندیوں کا شکار ہونے کے سبب بین الاقوامی معیشت سے کٹی رہی ہے۔

تاہم فوج کی حمایت سے گزشتہ برس اقتدار میں آنے والی موجود سول حکومت نے حالیہ کچھ عرصے کے دوران کئی ایک اہم اصلاحات کی ہیں جس سے یہ امید ہوچلی ہے کہ برما کی عالمی برادری میں تنہائی کا خاتمہ نزدیک ہے۔

XS
SM
MD
LG