رسائی کے لنکس

logo-print

صومالی قزاقوں نے 25 رکنی عملے سمیت بنگلہ دیشی بحری جہاز یرغمال بنا لیا


صومالی قزاقوں نے 25 رکنی عملے سمیت بنگلہ دیشی بحری جہاز یرغمال بنا لیا

بنگلہ دیش کے عہدے داروں نے کہاہے کہ مشتبہ صومالی قزاقوں نے بھارتی ساحل سے پرے ان کے ایک مال بردار بحری جہاز کو یرغمال بنالیا ہے۔

بنگلہ دیش کے جہاز رانی کے محکمے کے سربراہ ریئرایڈمرل رحمن نے پیر کے روز کہا کہ ان کے بحری جہاز جہاں مونی کو اتوار کے روز بحیرہ عرب سے اغوا کرلیاگیا۔

عہدے داروں کا کہناہے کہ جہاز پر، جو صومالیہ کی طرف بڑھ رہاتھا، عملے کے 25 بنگلہ دیشی ارکان سوار تھے ۔ بحری جہاز انڈونیشیا سے خام نکل یونان لے جارہاتھا۔

یورپی یونین ، نیٹو اور کئی دوسرے ملکوں کی نیوی کے دستے قزاقی کے واقعات روکنے کے لیے صومالیہ کے قریبی سمندروں میں گشت کررہے ہیں۔ سمندری نگرانی کے باوجود حالیہ برسوں میں صومالی بحری قزاقوں نے درجنوں بحری جہازوں کویرغمال بنا پر تاوان میں لاکھوں ڈالر وصول کیے۔

صومالیہ میں گذشتہ تقریباً 20 برس سے مضبوط مرکزی حکومت نہیں ہے اور ملک فرقہ وارانہ لڑائیوں میں گھرا ہواہے۔

XS
SM
MD
LG