رسائی کے لنکس

logo-print

صومالی حکومت نے موگادیشو کے کئی علاقوں کا کنٹرول حاصل کرلیا


صومالی حکومت نے موگادیشو کے کئی علاقوں کا کنٹرول حاصل کرلیا

صومالیہ کی حکومت نے کہاہے کہ اس کی فورسز نے دارالحکومت موگادیشو کے ان حصوں پردوبارہ کنٹرول حاصل کرلیا ہے جن پر طویل عرصے سے اسلامی شورش پسند وں کا قبضہ تھا۔
عہدے داروں کا کہناہے کہ یہ کامیابی منگل کے روز سرکاری اور افریقی یونین کے فوجیوں کی عسکریت گروپ الشباب کے ٹھکانوں پر قبضے کے نتیجے میں حاصل ہوئی ۔
صومالی حکومت کا کہنا ہے کہ وزارت دفاع کی سابق عمارت جسے شورش پسند اپنے ایک مرکز کے طورپر استعمال کررہے تھے، دوبارہ حکومتی کنٹرول میں آگئی ہے۔ سرکاری فورسز نے مضافاتی علاقے شرکولی پر بھی قبضہ کرلیا ہے۔
موگادیشو سے وائس آف امریکہ کی صومالی سروس کے ایک نمائندے کا کہناہے کہ اس جھڑپ میں 20 افراد ہلاک جب کہ 30 زخمی ہوئے ۔
عسکریت پسند تنظیم الشباب صومالی حکومت کا تختہ الٹ کر ایک اسلامی ریاست قائم کرنا چاہتی ہے۔ دارالحکومت کے کئی علاقوں سمیت جنوبی اور وسطیٰ صومالی کے زیادہ تر حصے پر باغی گروپ کا قبضہ ہے۔
زیادہ تر ا ہم مقامات جن میں ایئر پورٹ اور صدارتی محل شامل ہیں، حکومت کے قبضے میں ہیں اور اسے یوگنڈا اور برونائی کے دستوں پر مشتمل افریقی یونین کے امن کاروں کی مدد بھی حاصل ہے۔

XS
SM
MD
LG