امریکی خلائی ادارے ناسا اور اسپیس ایکس کی تاریخ ساز خلائی پرواز خراب موسم کے سبب موخر کر دی گئی۔ یہ پرواز بدھ کی شام روانہ ہونا تھی۔ پرواز کے لیے 30 مئی کی نئی تاریخ مقرر کی گئی ہے۔
دنیا کی پہلی نجی اسپیس فلائٹ کی روانگی موخر
1
اسپیس ایکس کے راکٹ کریو ڈریگن کو فلوریڈا کے کینیڈی اسپیس سینٹر سے انٹرنیشنل اسپیس اسٹیشن روانہ ہونا تھا لیکن حکام نے روانگی سے 17 منٹ قبل اسے موخر کرنے کا اعلان کر دیا۔
2
ناسا کا کہنا ہے اب یہ راکٹ ہفتے کی سہہ پہر 3 بج کر 22 منٹ پر روانہ ہو گا۔ تاہم کسی مسئلے کی صورت میں اسے دوسری مرتبہ بھی موخر کیا جاسکتا ہے۔ اور ایسی صورتِ حال میں یہ راکٹ اتوار کو روانہ ہو سکے گا۔
3
اسپیس ایکس کیپسول میں اچانک پیش آنے والے مسئلے کی صورت میں از خود الگ ہوجانے کی سہولت موجود ہے جس کے سبب خلاباز محفوظ طریقے سے پرواز جاری رکھ سکتے ہیں۔
4
اسپیس ایکس کی روانگی کے وقت امریکی صدر ڈونلڈ ٹرمپ، نائب صدر مائیک پینس، خاتون اول میلانیا ٹرمپ بھی کیپ کورل فلوریڈا کے کینیڈی اسپیس سینٹر میں موجود تھے۔