رسائی کے لنکس

logo-print

راجا پاکسے نے دوسری مدت کے لیے عہدہ صدارت کا حلف اٹھا لیا


راجا پاکسے نے دوسری مدت کے لیے عہدہ صدارت کا حلف اٹھا لیا

سری لنکا کے صدر مہند ر راجا پاکسے نے جمعہ کو چھ سالہ دوسری مدت صدارت کے لیے اپنے عہدے کا حلف اُٹھا لیا ہے۔ اُن کی حلف برداری کی تقریب ملک بھر میں ٹی وی چینلززپر دکھائی گئی۔

پاکسے نے رواں سال جنوری میں سابق فوجی سربراہ سرتھ فان سیکا Sarath Fonsekaکو ہرا کر انتخابات میں کامیابی حاصل کی تھی۔ فان سیکاان دنوں اپنے خلاف بدعنوانی کے مقدمے میں سنائی گئی 30مہینوں کی سزا کاٹ رہے ہیں ، اُنھوں نے صدارتی انتخابات میں دھاندلی کا الزام بھی لگایا ہے۔

عسکری بجٹ میں خردبرد کرنے پر فان سیکا کو جب قصور وار ٹھہرایاگیا توا ُس کے بعد وہ گذشتہ مہینے پارلیمنٹ کی اپنی نشست بھی ہار گئے تھے۔ سرتھ فان سیکا کو دی گئی سزا کی توثیق صدر مہندرا راجا پاکسے نے بھی کی ہے۔

سابق فوجی جنرل فان سیکا کی حزب اختلاف کی پارٹی ڈیموکریٹک نیشنل الائنس نے اپنی جماعت کے سربراہ کو دی جانے والی سزا کو سری لنکا کے صدر کی طرف سے انتقامی کارروائی قراردیا ہے۔ تاہم سری لنکا کی سپریم کورٹ سرتھ فان سیکا کی اُس درخواست کو بھی ردچکی ہے جس میں اُنھوں نے صدر پاکسے کے دوبارہ انتخاب کو چیلنج کیا تھا۔

XS
SM
MD
LG