رسائی کے لنکس

logo-print

جنوبی سوڈان کا ہمسایہ ملک سوڈان پر فضائی حملے کاالزام


جنوبی سوڈان کا ہمسایہ ملک سوڈان پر فضائی حملے کاالزام

جنوبی سوڈان نے ہمسایہ ملک سوڈان کے ساتھ عدم جارحیت کے ایک معاہدے پر دستخطوں کے محض دو روز بعد اس پر ایک متنازع سرحدی قصبے پر فضائی حملوں کا الزام عائد کیا ہے۔

جنوبی سوڈان کے حکام نے کہاہے کہ روسی ساختہ انتونوف جیٹ طیاروں نے اتوار کے روز جاؤ نامی قصبے پر کئی بم گرائے ، جس سے کم ازکم چارافراد زخمی ہوئے۔

جنوبی سوڈان کا دعویٰ ہے کہ مذکورہ قصبہ اس کی سرحدکے اندر واقع ہے، جب کہ سوڈان کا کہناہے کہ یہ قصبہ اس کی جنوبی ریاست کردفان کی حدود میں شامل ہے۔

سرحدوں اور تیل پر تنازعات کے نتیجے میں سوڈان اور جنوبی سوڈان کے درمیان کشیدگی بڑھی ہے اور دونوں ممالک کے راہنما جنگ چھڑنے کے خدشات ظاہر کرچکے ہیں۔

افریقی یونین دونوں ممالک کے درمیان تیل سے متعلق تنازعات طے کرانے کے لیے ادیس ابابا میں بات چیت کی میزبانی کرنے والی ہے ۔

تیل کے ذخائر دونوں ممالک کے لیے آمدنی کے حصول کا سب سے بڑا ذریعہ ہیں۔

XS
SM
MD
LG