کرونا وائرس کے باعث تھائی لینڈ کے بیشتر سیاحتی مقامات بند ہونے سے جانور بھی متاثر ہوئے ہیں۔ ان مقامات پر سیاحوں کو سیر کرانے اور مختلف کرتب دکھانے والے ہاتھی بھی بے روزگار ہو گئے ہیں۔ کئی ہاتھیوں نے خوراک کی تلاش میں مقامی آبادیوں کا رخ کر لیا ہے۔ البتہ اب حکومت انہیں دوبارہ سیاحتی مقامات پر بھیجنے کے انتظامات کر رہی ہے۔
تھائی لینڈ کے بے روزگار ہاتھیوں کی نقل مکانی
1
سیاحتی مقامات بند ہونے سے کئی ہاتھی خوراک کی تلاش میں مقامی آبادیوں کا رُخ کر رہے ہیں جس سے مقامی آبادی کو بھی خطرات لاحق ہیں۔
2
یہ ہاتھی سیاحتی مقامات پر آنے والے سیاحوں کو سیر کے علاوہ مختلف کرتب بھی دکھاتے تھے جس سے نہ صرف ان کی خوراک کا بندوبست ہوتا تھا بلکہ ان کے مہاوت یعنی دیکھ بھال کرنے والوں کا بھی یہی ذریعہ معاش تھا۔
3
تھائی لینڈ میں لگ بھگ تین ہزار ہاتھی مختلف تفریحی پارکوں اور دیگر سیاحتی مقامات پر موجود ہوتے ہیں۔ لیکن وبا کے باعث یہ مشکلات کا شکار ہیں۔ حکام وبا کا زور ٹوٹنے کے بعد ان ہاتھیوں کو دوبارہ سیاحتی مقامات پر منتقلی کے لیے کوشاں ہیں۔
4
تھائی لینڈ کے صوبے چیانگ مے میں بھی 100 ہاتھی سیاحتی مقامات سے نقل مکانی کر کے پہنچے ہیں۔ جہاں وہ لوگوں کی توجہ کا مرکز بھی بنے ہوئے ہیں۔