رسائی کے لنکس

logo-print

تھائی لینڈ میں مظاہرین نے مزید خون بہایا


تھائی لینڈ میں حکومت مخالف مظاہرین نے بدھ کے روز نئے انتخابات کے مطالبے کے طور پر وزیرِ اعظم ابھیسیت وجاجیوا کے گھر کے سامنے مزید خون بہایا۔

بنکاک میں تیز بارش کے دوران جب مظاہرین نے وزیرِ اعظم کی رہائش گاہ کے قریب پہنچنے کی کوشش کی تو پولیس کی بھاری رکاوٹوں نے ان کا استقبال کیا۔

سرخ قمیصیں پہنے ہوئے ہزاروں مظاہرین نے بعد میں امریکی سفارت خانے کے باہر مظاہرہ کیا۔ وہ تھائی لینڈ کے نائب وزیرِ اعظم کے اس بیان کی وضاحت مانگ رہے تھے جس میں کہا گیا تھا کہ انھیں بیرونی خفیہ اداروں نے خبر دی ہے کہ جلوس کے دوران تشدد ہو سکتا ہے۔

وزیرِ اعظم کی رہائش گاہ پر خون بہانے کا مظاہرہ منگل کے دن بھی ہوا تھا، جب مظاہرے کے سربراہان نے گورنمنٹ ہاؤس اور حکمران پارٹی کے صدر دفتر کے باہر 300 لیٹر خون بہایا تھا۔ یہ خون حزبِ اختلاف جماعت کے حامیوں کی طرف سے عطیہ کیا گیا تھا۔

XS
SM
MD
LG