بنگلہ دیش کے دارالحکومت ڈھاکہ میں تین دنوں تک جاری رہنے والا سالانہ تبلیغی اجتماع ختم ہو گیا ہے۔ اسے حرف عام میں 'بسوا' بھی کہا جاتا ہے۔ اس بار یہ اجتماع 10 جنوری کو شروع ہوا اور 12 جنوری کو اختتام پذیر ہوا۔ 'بسوا اجتماع' میں لوگ اتنی بڑی تعداد میں شریک ہوتے ہیں کہ نقل و حمل کے ذرائع کم پڑ جاتے ہیں۔
ڈھاکہ: سالانہ تبلیغی اجتماع میں ہزاروں افراد کی شرکت
1
بنگلہ دیش کے 'بسوا اجتماع' سے متعلق یہ دعویٰ کیا جاتا ہے کہ یہ مسلمانوں کا حج کے بعد دوسرا سب سے بڑا مذہبی اجتماع ہوتا ہے۔ اجتماع میں بنگلہ دیش کے علاوہ دنیا کے متعدد ممالک سے تعلق رکھنے والے مسلمان بھی شریک ہوتے ہیں۔
2
اس بار کا اجتماع ڈھاکہ کے مضافات میں ٹونگی جامی کے مقام پر ہوا۔ دورانِ اجتماع لوگوں نے ایک ساتھ تمام نمازیں مقررہ وقت پر ادا کیں اور دیگر عبادات میں شریک ہوئے۔
3
شرکا نے اجتماع گاہ آنے کے لیے بسوں، ٹرینوں، کشتیوں اور دیگر گاڑیوں کا سہارا لیا۔ لیکن رش کے باعث لوگوں کو ٹرانسپورٹ کے حصول میں خاصی مشکلات کا سامنا کرنا پڑا۔ اجتماع گاہ تک آنے والی اکثر گاڑیوں میں تل دھرنے کی جگہ نہیں تھی۔
4
اجتماع میں جانے کے لیے جو ٹرینیں چلائی گئیں، ان میں گنجائش سے زیادہ لوگ سوار تھے۔ ان گنت افراد نے چھتوں اور دروازوں پر لٹک کر سفر کیا۔
فیس بک فورم