رسائی کے لنکس

logo-print

ترک صدر کی وزیراعظم گیلانی اور نواز شریف سے ملاقات


ترک صدر کی وزیراعظم گیلانی اور نواز شریف سے ملاقات

پاکستان کے دورے پر آئے ہوئے ترکی کے صدر عبداللہ گل کے اعزاز میں جمعرات کے روز حزب اختلاف کی جماعت مسلم لیگ (ن) کے قائد نواز شریف نے رائے ونڈ میں ظہرانہ دیا جس میں وزیراعظم یوسف رضا گیلانی بھی شریک ہوئے۔

اس ملاقات میں پاکستان اور ترکی کے دوطرفہ اُمور پر بات چیت کے علاوہ وزیر اعظم گیلانی اور نواز شریف نے ملک کے سیاسی اُمور پر بھی گفتگو کی۔ وزیراعظم کے دفتر سے جاری ہونے والے ایک مختصر بیان کے مطابق دونوں رہنماؤں نے اٹھارویں ترمیم کے آئینی مسودے پر اتفاق رائے کو سراہا۔


اس سے قبل ترکی کے صدر نے لاہور میں سرمایہ کاری فورم کے ایک نمائندہ اجلاس سے خطاب میں کہا کہ اُن کا ملک توانائی ، ٹیکسٹائل اور زراعت سمیت مختلف شعبوں میں پاکستان کی مدد کرے گا۔


ترک صدر کے اس دورے میں دونوں ممالک کے درمیان مزید شعبوں میں بھی تعاون کے معاہدوں پر دستخط متوقع ہیں۔

XS
SM
MD
LG