رسائی کے لنکس

logo-print

دہشت گردی کے الزام میں دو امریکی شہری گرفتار


دہشت گردی کے الزام میں دو امریکی شہری گرفتار

نیویارک میں دو ایسے افراد کو گرفتار کرلیا گیا ہے جو مبینہ طورپر صومالیہ میں القاعدہ سے منسلک عسکریت گروپ میں شامل ہونے کی تیاری کررہے تھے۔

وفاقی اور ریاستی حکام نے کہا ہے کہ مذکورہ افراد کو ہفتے کی رات جان ایف کینیڈی انٹرنیشنل ایئرپورٹ سے گرفتار کیا گیا۔ ان کی شناخت 20 سالہ محمد حمود العیسیٰ اور 26 سالہ کارلوس ایڈورڈو المونتے کے طورپر کی گئی ہے۔

عہدے داروں کا کہنا ہے کہ دونوں مشتبہ افراد امریکی شہری ہیں اور دہ مصر جانے کے لیے الگ الگ جہازوں پر سوار ہونے کی تیاری کررہے تھے۔ وہاں سے ان کا منصوبہ عسکریت پسند گروپ الشباب میں شمولیت کے لیے صومالیہ جانے کا تھا۔

العیسیٰ اور المونتے پر بین الاقوامی دہشت گردی کے لیے سازش کرنے کا الزام عائد کیا گیا ہے۔

وفاقی اور ریاستی حکام کا کہنا ہے کہ دونوں افراد گذشتہ کئی برس سے زیر تفتیش تھے ۔ انہیں پیر کے روز ایک وفاقی عدالت میں پیش کرنے کا پروگرام ہے۔

الشباب تنظیم صومالیہ میں قائم اقوام متحدہ کی حمایت یافتہ حکومت کا تختہ الٹنے کی کوشش کررہی ہے اور وہ ملک کو ایک سخت گیر اسلامی مملکت میں تبدیل کرنا چاہتی ہے۔

امریکی حکومت نے الشباب کو دہشت گرد تنظیموں کی فہرست میں رکھا ہوا ہے۔

XS
SM
MD
LG