رسائی کے لنکس

logo-print

رأس الخیمہ کے فرمانروا شیخ صقر انتقال کر گئے


رأس الخیمہ کے فرمانروا شیخ صقر انتقال کر گئے

متحدہ عرب امارات کی ریاست رأس الخیمہ کے فرمانروا شیخ صقر بن محمد القاسمی بدھ کے روز انتقال کر گئے۔ ان کی عمر 92 برس تھی۔ حکومت نے شیخ صقر کی وفات پر ایک ہفتے کے سوگ کا اعلان کیا ہے۔

وہ متحدہ عرب امارات کے قیام سے قبل 1940ء کی دہائی سے رأس الخیمہ کی حکمرانی کر رہے تھے۔ حکام کا کہنا ہے کہ وہ گذشتہ کئی ماہ سے ہسپتال میں داخل تھے۔

شیخ صقر کی وفات کے بعد ان کے بیٹوں کے درمیان اقتدار کی جنگ سے متعلق خدشات پیدا ہو گئے ہیں لیکن حکومت کا کہنا ہے کہ شہزادہ شیخ سعود بن صقر القاسمی اگلے فرمانروا ہوں گے۔

شیخ صقر نے 2003ء میں اپنے بڑے بیٹے، شیخ خالد، کی جگہ شیخ سعود کا اپنا جانشین منتخب کیا تھا۔

حالیہ برسوں میں شیخ خالد اقتدار کے حصول کے لیے دوبارہ متحرک ہو گئے اور اپنے بھائی پر ایران کے ساتھ انتہائی دوستانہ رویے کا الزام عائد کرتے آئے ہیں۔

XS
SM
MD
LG