رسائی کے لنکس

logo-print

امریکی سفارت کاروں کو آئیوری کوسٹ جانے کی اجازت


امریکی سفارت کاروں کو آئیوری کوسٹ جانے کی اجازت

امریکی محکمہ خارجہ نے آئیوری کوسٹ کا سفر کرنے والے اپنے شہریوں کے لیے ہدایت نامے میں نظر ثانی کی ہے اور اب امریکہ کے غیر ضروری سفارتی عملے کو اپنے اہل خانہ سمیت مغربی افریقہ کے اس ملک میں واپس جانے کی اجازت دے دی گئی ہے۔

محکمہ خارجہ کے مطابق انتخابات کے باعث بحران کے بعد سلامتی کی صورت حال میں بہتری آئی ہے۔ لیکن امریکیوں کو کہا گیا ہے کہ وہ احتیاط برتیں کیوں کہ آئیوری کوسٹ میں صورت حال تیزی سے اور بغیر کسی پیشگی انتباہ کے تبدیل ہو سکتی ہے۔

آئیوری کوسٹ میں متنازع انتخابات کے بعد دسمبر میں محکمہ خارجہ نے اپنے سفارت خانے کے تمام غیر ضروری عملے اور اُن کے اہل خانہ کو ملک چھوڑنے کی ہدایت کی تھی۔

آئیوری کوسٹ کے اُس وقت کے صدر لارنٹ باگبو کی طرف سے نومبر میں ہونے والے انتخابات میں اپنے حریف آلاساں اوترا کے ہاتھوں شکست تسلیم کرنے سے انکار کی وجہ سے ملک بحران کا شکار ہو گیا تھا۔

اس تنازع کے باعث شروع ہونے والی بدامنی میں تین ہزار سے زائد افراد ہلاک ہوئے جب کہ 10 لاکھ کو نقل مکانی کرنا پڑی۔

واٹارا کی حامی فورسز نے مسٹر باگبو کو اپریل میں ابیدجان سے گرفتار کر لیا تھا جس کے بعد مسٹر واترا نے عہدے صدارت سنبھال لیا۔

XS
SM
MD
LG