رسائی کے لنکس

logo-print

امریکی معیشت میں بہتری کے آثار


امریکی معیشت میں بہتری کے آثار

بظاہر امریکہ میں روزگار کی صورت حال بہتر ہوتی ہوئی دکھائی دے رہی ہے کیونکہ گذشتہ ہفتے بے روزگاری الاؤنس کے لیے درخواست دینے والوں کی تعداد پچھلے چار سال کے دوران اپنی کم ترین سطح پر رہی۔

جمعرات کو محکمہ محنت کی جانب سے جاری کردہ رپورٹ میں بتایا گیا ہے کہ ملک بھر میں بے روزگاری الاؤنس کی درخواست دینے والوں کی ابتدائی تعداد 13 ہزار کم رہی ، جس کے بعد اب ملک بھر میں ایسے افراد کی تعداد تین لاکھ 48 ہزار رہ گئی ہے۔

ماہرین کا کہناتھا کہ امریکی معیشت اب لوگوں کو نوکریوں سے نکالنے کی بجائے انہیں ملازمتیں فراہم کرنے کی سمت بڑھ رہی ہے۔

ایک اور اقتصادی جائزے سے ظاہر ہوا ہے کہ امریکہ میں اس وقت بے روزگاری کی سطح 8 اعشارہ 3 فی صد ہے، جو گذشتہ تین برسوں کے دوران کی کم ترین سطح ہے۔

اسی طرح ایک اور رپورٹ میں بتایا گیا ہے کہ جنوری کے مہینے میں گھروں کی قیمتوں میں گذشتہ ماہ کے مقابلے میں ڈیڑھ فی صد تک اضافہ ہوا۔

XS
SM
MD
LG