رسائی کے لنکس

logo-print

فیس بک کی مالیت کا تخمینہ ایک کھرب ڈالر سے زیادہ


فیس بک کی مالیت کا تخمینہ ایک کھرب ڈالر سے زیادہ

وال سٹریٹ جنرل کی ایک رپورٹ میں کہا گیا ہے کہ اسٹاک مارکیٹ میں ایک کمپنی کے طور پر فیس بک کے ابتدائی حصص کی مالیت ایک کھرب ڈالر سے زیادہ ہوسکتی ہے۔

اخبار نے لکھاہے کہ پیر کو دیر گئے متعلقہ افراد نے نامہ نگاروں کو بتایا کہ 2012ء کی دوسری سہ ماہی میں کمپنی کے حصص عام افراد کو فروخت کے لیے پیش کیے جاسکتے ہیں۔ ذرائع کا کہناہے کہ فیس بک اپنے آئی پی او اورٹیکنالوجی کی اپنی دوسری کمپنیوں کے لیے 10 ارب ڈالر کی ابتدائی پیش کش کی توقع کررہی ہے۔

کمپنی ابھی یہ طے نہیں کرپائی کہ وہ اپنے حصص کب عوام کو فروخت کے لیے پیش کرے گی۔ اگلے سال کی دوسری سہ ماہی کے قیاس پر کمپنی کے ترجمان نے تبصرے سے انکار کردیا۔

وال سٹریٹ جنرل کا کہناہے کہ فیس بک ان دنوں امریکی سیکیورٹرز اور ایکس چینج کمشن کمپنیوں میں گفتگو کا موضوع بنی ہوئی ہے۔

فیس بک کے ذ رائع نے کہا ہے کہ وہ امریکی قانون کے تحت اپریل 2012ء کے آخر تک اپنی پبلک فنانشل رپورٹ فائل کرنے سے پہلے اس سال اپنے پرائیویٹ شیئر ہولڈرز کی تعداد میں 500 سے بڑھانا چاہتی ہے۔

دنیا کے اس سب سے بڑے سوشل میڈیا کو استعمال کرنے والوں کی تعداد 80 کروڑ سے زیادہ ہے۔ کمپنی کے 27 سالہ سربراہ مارک زوکربرگ نے 2004ء میں اپنی کمپنی کی بنیاد ہاورڈ یونیورسٹی کے ایک ہوسٹل کے کمرے میں رکھی تھی۔

بعد ازاں انہوں نے اپنی تعلیم ادھوری چھوڑ دی تھی۔

XS
SM
MD
LG