رسائی کے لنکس

logo-print

امریکہ کا پچاس جوہری میزائلوں سے رابطہ عارضی طور پر منقطع


فائل فوٹو

امریکی فوج نے کہا ہے کہ گذشتہ ہفتے سازوسامان میں خرابی کے باعث جوہری ہتھیاروں سے لیس پچاس میزائلوں اور ان کو داغنے کے نظام کے درمیان رابطہ منقطع ہو گیا تھا۔

اس تکنیکی خرابی کی وجہ سے وایومنگ کے علاقے میں امریکی فضائی کے اڈے پر قائم کنٹرول مرکز میں سرگرمیاں متاثر ہوئیں۔

حکام نے منگل کے روز بتایا کہ رابطہ پنتالیس منٹ تک منقطع رہا لیکن اس دوران میزائلوں کے حادثاتی طور پر فائر ہونے کا کوئی امکان نہیں تھا۔

حکام کے مطابق میزائلوں کو محفوظ بنانے کے لیے ان میں متعدد حفاظتی فیچر موجود ہوتے ہیں جب کہ ضرورت پڑنے پر ان کو ایک متبادل نظام کے ذریعے داغا جا سکتا ہے۔

میزائلوں اور مرکز کے درمیان رابطہ منقطع ہونے کے اس واقع کے بارے میں وائٹ ہاؤس کو بھی مطلع کر دیا گیا تھا۔

یہ پچاس میزائل امریکہ کے زمین پر موجود میزائلوں کا تقریباً گیارہ فیصد حصہ بنتے ہیں۔

XS
SM
MD
LG