رسائی کے لنکس

logo-print

امریکہ اور چین کے صدور کی جوہری سلامتی پر بات چیت


امریکی صدر براک اوباما نے اپنے چینی ہم منصب ہو جن تاؤ سے کہا ہے کہ ایران اور شمالی کوریا کے متنازع جوہری پروگراموں سے نمٹنا واشنگٹن اور بیجنگ کے مفاد میں ہے۔

دنیا کی دو بڑی معاشی طاقتوں کے رہنماؤں نے پیر کو جنوبی کوریا کے دارالحکومت سیول میں ہونے والی جوہری سلامتی سے متعلق بین الاقوامی سربراہ کانفرنس کے موقع پر علیحدہ سے ملاقات کی۔

بات چیت کے آغاز سے قبل امریکی صدر نے ایک مختصر بیان میں اپنے چینی ہم منصب کے ساتھ بے تکلف اور تعمیری بات چیت کی توقع کا اظہار کیا تھا۔

ایک روز قبل مسٹر اوباما نے کہا تھا کہ بیجنگ شمالی کوریا پر زور دے کہ وہ جوہری پروگرام سے متعلق اپنی ذمہ داریاں پوری کرے۔

چین شمالی کوریا کا اہم اتحادی ہے لیکن بیجنگ کا موقف ہے کہ وہ پیانگ یانگ پر محدود سیاسی اثر و رسوخ رکھتا ہے۔

XS
SM
MD
LG