رسائی کے لنکس

logo-print

ہیلری کلنٹن 2016ء کا صدارتی انتخاب لڑیں گی، اتوار کو اعلان متوقع


سابقہ امریکی وزیر خارجہ ڈیموکریٹک پارٹی کی صدارتی امیدوار کی حیثیت سے اپنی انتخابی مہم کا اعلان کریں گی، ساتھ ہی سماجی میڈیا پر ایک وڈیو پیغام جاری ہوگا۔ یہ بات ہیلری کلنٹن کے قریبی ذرائع نے جمعے کو اخبارات کو بتائی

امریکی میڈیا رپورٹس میں بتایا گیا ہے کہ ہیلری کلنٹن 2016ء کے صدارتی انتخاب میں حصہ لینے کا اتوار کو باضابطہ اعلان کریں گی۔

سابقہ امریکی وزیر خارجہ ڈیموکریٹک پارٹی کی صدارتی امیدوار کی حیثیت سے اپنی انتخابی مہم کا اعلان کریں گی، ساتھ ہی سماجی میڈیا پر ایک وڈیو پیغام جاری ہوگا۔ یہ بات ہیلری کلنٹن کے قریبی ذرائع نے جمعے کو اخبارات کو بتائی۔

ذرائع نے بتایا ہے کہ اس اعلان کے بعد وہ اُن ریاستوں کے دورے پر روانہ ہوں گی، جہاں انتخابات میں سب سے پہلے ووٹنگ کا آغاز ہوتا ہے، جن میں آئیوا اور ہیمپشائر شامل ہیں۔

ہیلری کلنٹن دوسری مرتبہ صدارتی انتخاب لڑیں گی۔ اُنھوں نے سنہ 2008 میں صدارتی انتخاب لڑنے کا اعلان کیا تھا، جب پارٹی نے براک اوباما کو نامزد کیا اور وہ صدر منتخب ہوئے۔

توقع کا اظہار کیا جا رہا ہے کہ اس بار ڈیموکریٹ پارٹی ہیلری کلنٹن کو امیدوار نامزد کرے گی۔

ایک حالیہ گیلپ پول میں بتایا گیا ہے کہ جائزے میں شامل 50 فی صد افراد نے اُن کے بارے میں پسندیدگی کا اظہار کیا ہے، جب کہ صرف 39 فی صد نے اُن کو ناپسند کیا ہے۔ یہ کسی ممکنہ امیدوار کے لیے پسندیدگی کی بڑی شرح ہے۔

منتخب ہونے کی صورت میں، سابقہ خاتونِ اول ملک کی پہلی خاتون صدر ہوں گی۔

XS
SM
MD
LG