رسائی کے لنکس

logo-print

امریکی سینیٹر کا ایران پر ممکنہ حملے پر تبصرہ


سینیٹر لنڈسے گراہم

امریکہ میں چوٹی کے ایک قانون ساز نے کہا ہے کہ ایران کے خلاف کسی بھی ممکنہ فوجی کارروائی میں ملک کے جوہری پروگرام کی تباہی سے بڑھ کر نتائج حاصل کرنے چاہیئں۔

سینیٹر لِنڈسے گراہم نے ہفتہ کے روز کینیڈا میں ہیلی فکس انٹرنیشنل سکیورٹی فورم سے خطاب میں کہا کہ کسی بھی امریکی حملے کی صورت میں ایران کی تمام عسکری قوت کو بے اثر کر دینا چاہیئے۔

ساوتھ کیرولائنا سے منتخب ریپبلیکن سینیٹر ایوانِ بالا کی آرمڈ سروسز اور ہوم لینڈ سکیورٹی کمیٹیوں کے رکن بھی ہیں۔

امریکی افواج کے اعلیٰ عہدیداروں کا کہنا ہے کہ امریکہ نے ایران کو جوہری ہتھیار حاصل کرنے سے باز رکھنے کے لیے اس پر حملے کا منصوبہ تیار کر رکھا ہے لیکن اُن کی خواہش ہے کہ اِس پر عمل درآمد کی ضرورت پیش نا آئے۔

گراہم کے مطابق ایران کے بحری اور فضائی اثاثوں کی تباہی کے علاوہ پاسداران انقلاب پر کاری ضرب لگانا بھی اس منصوبے کا حصہ ہونا چاہیئے۔

امریکی سینیٹر کا کہنا تھا کہ اُنھیں اُمید ہے کہ اس قسم کی کارروائی سے ایرانی عوام کو اپنی حکومت قائم کرنے میں بھی مدد ملے گی۔

XS
SM
MD
LG