رسائی کے لنکس

logo-print

امریکہ نے غزہ میں امدای تنظیموں کے فنڈز بحال کردیے


حماس تنظیم کے راہنما اسماعیل ہانیہ

امریکہ نے غزہ کی پٹی کے حکمران گروپ حماس کی جانب سے علاقے میں کام کرنے والی امدادی تنظیموں کی سرگرمیوں سے متعلق خفیہ دستاویزات کی جانچ پڑتال کا مطالبہ واپس لیے جانے کے بعد تنظیموں کے فنڈز بحال کردیے ہیں۔

پچھلے ہفتے امریکی امدادی تنظیم یوایس ایڈ نےحماس کی جانب سے بین الاقوامی امدادی تنظیموں کی سرگرمیوں کے آڈٹ کے مطالبے کے بعد وہاں اپنا کام روک دیاتھا۔ اس مطالبے پر عمل درآمد ان امریکی ضابطوں کی خلاف ورزی کے زمرے میں آتا ہے جن کے تحت عسکریت پسند گروپوں سے رابطوں پر روکا گیا ہے۔

امریکہ نے حماس کو ایک دہشت گرد تنظیم قرار دے رکھا ہے۔

امریکی عہدے داروں نے اتوار کے روز کہا کہ حماس کی جانب سے امدادی تنظیموں کی دستاویزات کی جانچ پڑتال کا مطالبہ واپس لیے جانے کے بعد فنڈز بحال کردیے گئے ہیں۔

غزہ کے مکینوں کو بین الاقوامی امدادی اداروں کے توسط سے واشنگٹن سے تقریباً 10 کروڑ ڈالر کی امداد ملتی ہے۔

XS
SM
MD
LG