رسائی کے لنکس

logo-print

یونان اور فرانس کے انتخاب کے عالمی مارکیٹوں پر منفی اثرات


یونان اور فرانس میں انتخابات کے بعد یورپ کی مالیاتی مارکیٹوں میں غیر یقینی بڑھ رہی ہے اور یورپ کے قرضوں کے بحران میں پھنسے ہوئے ممالک کو اس بھنور سے نکالنے کے لیے سخت مالیاتی پالیسیوں پر عمل درآمد کا مستقبل خطرے میں پڑ گیا ہے۔

اس صورت حال کے اثرات اہم ایشیائی مارکیٹوں پر بھی ظاہر ہوئے اور ان میں حصص کی قیمتیں میں تیزی سے کمی ہوئی ۔ جاپان کا نکیئی انڈکس دواعشارہ 8 فی صد جب کہ ہانگ کانگ کا سینگ انڈکس دو اعشارہ چھ فی صد گر گیا۔

یونان میں قومی انتخابات کے بعد ایتھنز کی اسٹاک مارکیٹ میں شیئرز کی قیمتوں میں سات فی صد تک کمی دیکھنے میں آئی۔

پیرس کی مارکیٹ میں معمولی اضافہ ہوا مگر فرینکفرٹ کی اسٹاک مارکیٹ میں حصص کی قیمتیں قدرے گر گئیں۔جب کہ ایک موقع پرڈالر کے مقابلے میں یورو کی قیمت میں بھی کمی ہوئی ۔

فرانس میں ووٹروں نے سوشیلسٹ امیدوار فرانسکو ہولاندکو صدر کے طورپر منتخب کرلیا ہےاور انہوں نے ملکی معیشت کو ترقی دینے کے لیے امیر لوگوں پر ٹیکس بڑھانے کا عندیہ دیا ہے۔

XS
SM
MD
LG