عالمی شہرت یافتہ گلوکارہ، اڈیل نے بدھ کے روز اپنے انسٹاگرام پیج پر تصویر پوسٹ کی ہے، جس میں وہ لوگوں کا ان کی سالگرہ پر دی گئی مبارکباد پر شکریہ ادا کرتی نظر آ رہی ہیں۔ مگر اس تصویر کے باعث عالمی سوشل میڈیا پر ایک طوفان برپا ہو گیا ہے۔
اس تصویر میں ‘ہیلو’ اور ‘سکائی فال’ جیسے شہرت یافتہ گانوں سے پہچانی جانے والی گلوگارہ پہلے سے کہیں دبلی نظر آ رہی ہیں۔
انہوں نے اپنی پوسٹ میں برتھ ڈے کی مبارکبا پر شکریے کے علاوہ اس بات کی بھی امید کی کہ لوگ کرونا وائرس کے دوران محفوظ رہ رہے ہیں۔
ساتھ ہی گلوکارہ نے عالمی وبا کے دوران طبی عملے اور ضروری ورکرز کا بھی شکریہ ادا کیا جو سب کی حفاظت کے لیے اپنی جان خطرے میں ڈال رہے ہیں۔
اس تصویر کو اب تک پچاس لاکھ لوگوں نے لائیک کیا ہے اور ایک لاکھ چھبیس ہزار افراد نے اس پر تبصرے کیے ہیں۔ ان کی اس تصویر پر انٹرٹینمنٹ سے تعلق رکھنے والے بہت سے ستاروں نے تبصرے کیے ہیں۔
ناگرو روبلز نے لکھا کہ آپ نے ایسا دکھنے کے لیے بہت محنت کی ہو گی اور میں آپ کے لیے بہت خوش ہوں، مگر میں آپ کو کہنا چاہتی ہوں کہ میرے لیے آپ ہمیشہ خوبصورت اور دلکش تھیں۔
اس تصویر کے بعد عالمی سوشل میڈیا پر #Adele ٹرینڈ کر رہا ہے اور جہاں اڈیل کے نئے روپ کو سراہا بھی لیا جا رہا ہے وہیں یہ بات بھی کی جا رہی ہے کہ اڈیل کا جسمانی وزن ان کی خوب صورتی پر اثر انداز نہیں ہوتا۔
بلاگر ملیسا بلیک نے لکھا کہ اڈیل اس لیے ٹرینڈ کر رہی ہیں کہ لوگ کہہ رہے ہیں کہ وزن گھٹا کر وہ خوب صورت لگ رہی ہیں، جب کہ ایسا نہیں ہے۔ آپ کا وزن آپ کی خوب صورتی کا معیار نہیں ہے۔ وزن آپ کی اہمیت گھٹاتا بڑھاتا نہیں ہے۔
I see that Adele is trending because people are saying how gorgeous she is since she lost weight. Y’all, we’ve been over this...Your weight doesn’t determine your beauty. Your appearance doesn’t determine your beauty. The number on the scale doesn’t make you worthy or unworthy.
— Melissa Blake (@melissablake) May 6, 2020
ایک صارف فاڈیرہ نے لکھا کہ اڈیل کے وزن گھٹانے کی تعریف کرنے سے پہلے یاد رکھیں کہ بہت سے لوگوں کو زیادہ کھانے کی بیماری بھی ہوتی ہے اور ان کے لیے آپ کے الفاظ اس بات کی یقین دہانی ہوں گے کہ دبلا ہونے سے ہی ان کی اہمیت قائم ہو سکتی ہے۔
Be mindful when you praise Adele’s weight loss there may be people struggling with an eating disorder who will see your words as confirmation that being skinny=being valued
— Phaedra (@phaeleigh) May 6, 2020
ایک اور پاکستانی صارف اشنا نے کہا کہ صرف اس لیے کہ اڈیل نے اپنا وزن گھٹایا ہے، اس کا مطلب یہ نہیں کہ آپ کو بھی لازماً یہ کرنا ہوگا۔
Just because Adele did it doesn%27t mean you "have" to
— Ushnaa 🐾 (@Lanaschild_) May 6, 2020
عائشہ اظہر نے لکھا کہ اڈیل جیسی دکھ رہی ہیں انہیں وہ بہت پسند ہے مگر وہ پہلے بھی بہت خوبصورت دکھتی تھیں۔ ہر کسی پر دبلا ہونا لازم نہیں ہے۔
Love how Adele looks but she looked great before as well. Not everyone has to be thin.
— Meph⚓ (@UnitedsFreak) May 6, 2020
ماضی میں ان کے وزن پر ہونے والی تنقید کے جواب میں 60 Minutes Australia کو دئے گئے اپنے انٹرویو میں اڈیل نے کہا تھا کہ ‘‘یہ بات تکلیف دہ ہے کہ مردوں سے ایسا سوال نہیں کیا جاتا۔۔۔ مگر ایسا لگتا ہے کہ لوگ اس بات پر حیران ہیں کہ میں پلس سائز ہونے کے باوجود اتنی کامیاب کیوں ہوں؟’’