بھارت میں فلموں کی ڈیجیٹل ریلیز کا رجحان زور پکڑ رہا ہے۔ زیادہ تر فلم ساز اپنی فلموں کی تھیٹرز میں ریلیز کے لیے مزید انتظار کرنے سے گریزاں ہیں۔ اس لیے انہوں نے اپنی فلموں کی ریلیز کے لیے اسٹریمنگ کمپنیز کا سہارا لے لیا ہے۔
بھارت میں پچھلے کئی مہینوں سے سنیما ہالز بند پڑے ہیں جس کے سبب بہت سے بڑے بجٹ والی فلموں کی ریلیز بھی رکی ہوئی ہے۔
کرونا وائرس کے فوری طور پر نہ ختم ہونے والے اثرات کو دیکھتے ہوئے فلم ساز مجبوراً اپنی فلمیں آن لائن ریلیز کر رہے ہیں۔
اس کی تازہ ترین مثال مہیش بھٹ کی نئی فلم 'سڑک ٹو' ہے جس کے متعلق ان کا کہنا ہے کہ 'فلم کی ڈیجیٹل ریلیز جلد متوقع ہے۔'
'سڑک ٹو' کی ہیروئن مہیش بھٹ کی چھوٹی بیٹی عالیہ بھٹ ہیں اور ان کی شہرت کے سبب فلم بینوں کو کافی عرصے سے اس فلم کا انتظار تھا۔
عالیہ بھٹ کے علاوہ ادیتیہ رائے کپور، سنجے دت اور پوجا بھٹ کی اداکاری سے سجی یہ فلم 10 جولائی کو ملک بھر میں ریلیز ہونا تھی جو وبائی مرض کی موجودگی میں فی الحال ممکن نظر نہیں آتی۔
بھارت کے سرکاری خبر رساں ادارے 'پریس ٹرسٹ آف انڈیا' سے گفتگو میں مہیش بھٹ کا کہنا تھا کہ 'فلم کی بقا کے لیے میرے پاس ایک یہی راستہ رہ گیا ہے۔ جب چیزوں کو بچانے کے لیے کوئی اور راستہ نہ رہے تو کبھی کبھی نہ چاہتے ہوئے بھی تلخ فیصلے کرنا پڑتے ہیں۔
اُن کے بقول فلم 'سڑک ٹو' کو بربادی سے بچانے کے لیے ڈیجیٹل ریلیز ہی واحد آپشن ہے۔
بھارتی میڈیا رپورٹس کے مطابق 2018 میں بھارت میں تقریباً 1800 فلمیں سنیما گھروں میں ریلیز ہوئی تھیں۔ لیکن اب امیتابھ بچن جیسے میگا اسٹار کی فلمیں بھی اسٹریمنگ پلیٹ فارم سے ریلیز ہو رہی ہیں۔
امیتابھ کی حالیہ فلم 'گلابو ستابو' جو 17 اپریل کو سنیما گھروں میں ریلیز ہونا تھی اسے 12 جون کو اسٹریمنگ پلیٹ فارم سے دنیا کے 150 سے زائد ممالک میں ریلیز کیا گیا ہے۔
یہ پہلی بالی وڈ فیچرڈ فلم تھی جسے ڈیجیٹل ریلیز کیا گیا تھا۔
اس موقع پر امیتابھ بچن نے ایک ٹوئٹ بھی کیا تھا جس میں کہا تھا کہ 51 سالہ فلمیں کریئر میں انہوں نے بہت سی تبدیلیاں دیکھی ہیں، بہت سے چیلجز کا مقابلہ کیا ہے اور اب انہیں ایک اور نئے چیلنج کا سامنا ہے۔
اُن کا مزید کہنا تھا کہ 'گلابو ستابو' پہلی فلم ہے جو ڈیجیٹل ریلیز ہو رہی ہے۔ یہ بہت حیران کن تجربہ ہے۔
T 3531 -Joined Film Ind., in 1969 .. in 2020 .. its 51 years !! .. seen many changes and challenges .. NOW another CHALLENGE .. DIGITAL RELEASE of my film GULABO SITABO !!June 12 Amazon Prime 200+ country%27s .. THAT IS AMAZING ! Honoured to be a part of yet another change pic.twitter.com/ccH2Qxh92D
— Amitabh Bachchan (@SrBachchan) May 14, 2020
'گلابو ستابو' کے بعد فلم 'چوکڈ'، 'چنٹو کا برتھ ڈے'، نواز الدین جیسے بڑے اسٹار کی 'گھوم کھیتو'، 'مسز سیریل کلر'، 'مسکا'، 'بم فاد'، 'واٹ آر دی اوڈز' اور 'اتیت' وغیرہ بھی اسٹریمنگ پلیٹ فارم سے ریلیز ہونے جا رہی ہیں۔
خبر رساں ادارے 'اے ایف پی' کے مطابق بالی وڈ فلموں کی تجزیہ کار راکھی راٹھور کا کہنا ہے کہ بھارتی فلمی صنعت کو زندہ رکھنے کے لیے فلموں کی کسی نہ کسی طریقے سے ریلیز جاری رکھنا ضروری ہے۔
راکھی راٹھور کا کہنا ہے کہ بالی وڈ انڈسٹری کو اپنی بقا کے لیے ڈیجیٹل ریلیز کی نئی ٹیکنالوجی کو اپنانا ہو گا۔ کم از کم دو دہائیوں تک فلمی صنعت کی بقا کے لیے ایسا کرنا لازمی ہے۔
فلموں کی ڈیجیٹل ریلیز پر ودیا بالن جیسے کچھ بڑے فن کاروں نے خوشی کا بھی اظہار کیا ہے۔
اُن کی نئی فلم 'شکنتلا دیوی' بھی جلد ہی اسٹریمنگ سروس کے ذریعے ریلیز ہونے والی ہے۔ انہوں نے اظہار مسرت کے لیے ایک ٹوئٹ بھی کی ہے۔
Delighted to announce that you will get to see #ShakuntalaDevi very soon on @PrimeVideoIN with all your loved ones. Thrilled that we will be able to entertain you in these unprecedented times. #WorldPremiereOnPrime #ShakuntalaDeviOnPrime@sonypicsprodns @Abundantia_Ent pic.twitter.com/j1IExmE0AW
— vidya balan (@vidya_balan) May 15, 2020
بھارت میں اس وقت کئی اسٹریمنگ کمپینز کام کر رہی ہیں جن میں 'ایمیزون' اور 'نیٹ فلکس' جیسی امریکی کمپنیاں سرِ فہرست ہیں جب کہ کچھ مقامی کمپنیاں بھی اس کام کے لیے سامنے آئی ہیں۔
'ایمیزون' نے تین روز قبل ہی ایک فلم 'لا' اپنے پلیٹ فارم سے ریلیز کی ہے۔
Now, we have a piece of evidence to support our statement! #Law releasing on 26th June! #LawOnPrime #WorldPremiereOnPrime@raginichandran #MukhyamantriChandru @PuneethRajkumar #AshwiniPuneethRajkumar#MGovinda #RaghuSamarth @vasukivaibhav #SiriPrahlad @PRK_Productions pic.twitter.com/ujzWphwlBI
— amazon prime video IN (@PrimeVideoIN) May 15, 2020
بھارت میں اب تک تقریباً 53 فلمیں اسٹریمنگ پلیٹ فارمز سے ریلیز ہو چکی ہیں جب کہ کچھ فلمیں اگلے ماہ اور کچھ اس کے بعد ریلیز ہوں گی۔
فلم 'شکتنلا دیوی' 31 جولائی کو، 'دل بے چارہ' 24 جولائی، 'لکشمی بم' اور 'گنجن سکسینہ' 15 اگست کو ریلیز کی جائیں گی۔