پاکستان کرکٹ ٹیم کے سابق کپتان، آل راؤنڈر اور پروفیسر کے نام سے مشہور محمد حفیظ نے بین الاقوامی کرکٹ سے ریٹائرمنٹ کا اعلان کر دیا ہے۔
محمد حفیظ نے کرکٹ کو خیرباد کہنے کا اعلان پیر کو لاہور میں پریس کانفرنس کرتے ہوئے کیا۔ اس موقع پر حفیظ نے کہا کہ انہوں نے 18 سال قبل ایک خوب صورت سفر کا آغاز کیا تھا اور وہ اپنے ساتھی کھلاڑیوں اور کوچز کے مشکور ہیں۔
محمد حیفظ نے کہا کہ وہ اپنے تمام مداحوں کے بھی شکر گزار ہیں جنہوں نے انہیں ہمیشہ سپورٹ کیا۔
خیال رہے کہ محمد حفیظ سال 2018 میں پہلے ہی ٹیسٹ کرکٹ سے ریٹائرمنٹ کا اعلان کرچکے تھے اور اب انہوں نے وائٹ بال کرکٹ سے ریٹائرمنٹ کا اعلان کیا ہے۔
دائیں ہاتھ کے بلے باز محمد حفیظ نے مجموعی طور پر 392 انٹرنیشنل میچز میں پاکستان کی نمائندگی کرتے ہوئے 12 ہزار 780 رنز اسکور کیے اور 253 وکٹیں لیں۔ انہوں نے 32 میچز میں پاکستان ٹیم کی قیادت بھی کی۔
اکتالیس سالہ محمد حفیظ نے سال 2003 میں زمبابوے کے خلاف اپنے ڈیبیو میچ سے انٹرنیشنل کرکٹ میں قدم رکھا اور 18 سال کے عرصے میں انہوں نے 55 ٹیسٹ میچز میں پاکستان کی نمائندگی کرتے ہوئے تین ہزار 625 رنز اسکور کیے اور 53 وکٹیں لیں۔ ان کے ٹیسٹ کریئر میں 10 سینچریاں اور 12 نصف سینچریاں شامل ہیں۔
Hafeez announces retirement from international cricketMore details: https://t.co/RYLJ7gp5Ro pic.twitter.com/8PYAfaJlPW
— Pakistan Cricket (@TheRealPCB) January 3, 2022
انہوں نے 218 ایک روزہ میچز میں پاکستان کی نمائندگی کی اور ون ڈے انٹرنیشنل میں 6 ہزار 614 رنز اسکور کیے جس میں 11 سینچریاں اور 38 نصف سینچریاں شامل ہیں۔
حفیظ نے ون ڈے انٹرنیشنل میں اپنی آف اسپن بالنگ سے 218 میچز میں 139 کھلاڑیوں کو آؤٹ بھی کیا۔
محمد حفیظ نے پاکستان کی طرف سے 119 ٹی ٹوئنٹی انٹرنیشنل بھی کھیلے جس میں انہوں نے دو ہزار 514 رنز بنائے۔ پاکستانی کرکٹر نے ٹی ٹوئنٹی میں 14 نصف سینچریاں بھی اسکور کی اور وہ اپنے کریئر میں 61 کھلاڑیوں کو بھی آؤٹ کرنے میں کامیاب رہے۔
Pakistan all-rounder Mohammad Hafeez has announced his retirement from international cricket. pic.twitter.com/rpTpT3jp6f
— ICC (@ICC) January 3, 2022
پاکستانی آل راؤنڈر نے آخری مرتبہ نومبر 2021 میں ٹی ٹوئنٹی ورلڈ کپ کے سیمی فائنل میں پاکستان کی نمائندگی کی۔ وہ 2017 میں آئی سی سی چیمپئنز ٹرافی جیتنے والی پاکستانی ٹیم کا بھی حصہ تھے۔
اس کے علاوہ انہوں نے سال 2007، 2011 اور 2019 کے پچاس اوور ورلڈ کپ میں پاکستان کی نمائندگی کی جب کہ وہ 2007، 2010، 2012، 2014، 2016 اور 2021 میں ٹی ٹوئنٹی ورلڈ کپ میں بھی پاکستانی ٹیم کا حصہ رہے۔
انہوں نے پاکستان کی طرف سے سال 2006، 2013 اور 2017 کی آئی سی سی چیمپئنز ٹرافی بھی کھیلی۔
'حفیظ نے کریئر بنانے کے لیے انتھک محنت کی'
پاکستان کرکٹ بورڈ (پی سی بی) کے مطابق آل راؤنڈر کی ریٹائرمنٹ پر چیئرمین پی سی بی رمیز راجہ نے کہا ہے کہ محمد حفیظ نے بھرپور انداز میں کرکٹ کھیلی۔
ان کے بقول محمد حفیظ نے بین الاقوامی کرکٹ میں ایک طویل کریئر بنانے کے لیے انتھک محنت کی۔ پاکستان کرکٹ میں ان کی شاندار شراکت پر ان کا شکریہ ادا کرتا ہوں۔
'پروفیسر شائقین پی ایس ایل اور دیگر لیگز میں محظوظ کریں گے'
ادھر محمد حفیظ کے بین الاقوامی کرکٹ کو خیرباد کہنے کے اعلان کے ساتھ ہی سوشل میڈیا پر ان کا نام ٹرینڈ کرنے لگا اور شائقین کرکٹ محمد حفیظ کو پاکستان کرکٹ کے لیے خدمات پر ان کا شکریہ ادا کیا۔
One of the thorough gentleman in cricket field , a humble guy @MHafeez22 calls it a day. His journey from Sargodha as a tape tennis ball cricketer comes to an end, 41 years old Hafeez played 55 Test, 218 ODI and 115 T20 from April 2003 to Nov 2021 pic.twitter.com/f8wuIjG4Dn
— Mirza Iqbal Baig (@mirzaiqbal80) January 3, 2022
اسپورٹس جرنلسٹ اور تجزیہ کار مرزا اقبال بیگ نے سوشل میڈیا پر کہا کہ کرکٹ کی فیلڈ مین ایک جینٹل مین اور عاجز انسان محمد حفیظ کا کریئر اپنے اختتام کو پہنچا۔ انہوں نے بتایا کہ محمد حفیظ نے سرگودھا سے اپنے سفر کا آغاز ایک ٹیپ بال کرکٹر کے طور پر کیا۔
صحافی وجاہت کاظمی کا کہنا تھا کہ بلاشبہ محمد حفیظ پاکستان کے بہترین آل راؤنڈرز میں سے ایک تھے۔ انہوں نے اس امید کا بھی اظہار کیا کہ پروفیسر پاکستان سپر لیگ اور دیگر لیگز میں ہمیں محظوظ کرتے رہیں گے۔
Mohammad #Hafeez is undoubtedly one of the best all-rounders Pakistan had. Looking forward to Professor entertaining us in the PSL and other leagues around the world. Love you @MHafeez22. pic.twitter.com/BFPBNenPvc
— Wajahat Kazmi (@KazmiWajahat) January 3, 2022
زین زاہد نامی صارف نے ٹوئٹ کیا کہ محمد حفیظ پاکستان کے لیے اپنی خدمات دینے کا شکریہ، آپ نے پاکستان کے لیے بہت کچھ کیا۔ آپ ہمیشہ یاد رہیں گے۔
Thank You Hafeez Bhai for your services for Pakistan. You did great for Pakistan. Will miss you.Happy Retirement.💔👍 #Hafeez #CricketTwitter #PakistanCricket pic.twitter.com/k9XAdxPojj
— Zain Zahid (@ZainZahid_10) January 3, 2022
عروج جاوید نامی ایک صارف نے محمد حفیظ کی چند تصاویر شیئر کرتے ہوئے کہا کہ شکریہ، آپ کی خدمات کبھی نہیں بھول سکتے۔
شکریہ حفیظ بھائی آپکی خدمات ہم کبھی نہیں بھول سکتے 😔#Hafeez #Cricket pic.twitter.com/qzV5E8t5um
— Urooj Jawed (@uroojjawed12) January 3, 2022