انسان کا پیچھا بعض اوقات زبان سے نکالے گئے الفاظ کے علاوہ انگلیوں سے لکھے گئےلفظ بھی نہیں چھوڑتے۔ چاہے وہ غلطی سے لکھے گئے ہوں یا کسی دوسری زبان میں اس لفظ کی مختلف ادائیگی کا معاملہ ہو۔
ایسا ہی کچھ معاملہ ہوا پاکستان کے فاسٹ بولر نسیم شاہ کے ساتھ ہوا ہے جو اپنے ساتھی شاداب خان کی ٹوئٹ پر رد عمل دے رہے تھے۔
نسیم شاہ نے ٹوئٹ میں ذمہ داری” کو “جمے داری” لکھ دیا، پھر کیا تھا۔ سوشل میڈیا صارفین نے اس پر تبصرے شروع کر دیے جب کہ میم بھی بننے لگیں۔
پاکستانی آل راؤنڈر شاداب خان نے بی پی ایل کے دوران افتخار احمد کی شاندار سینچری پر پوسٹ کی تھی کہ افتی بھائی، آپ کا بھائی شاداب بول رہا ہوں۔ آپ کی سینچری کمال تھی۔ یہ افتی مانیہ کی ٹکٹ کہاں سے ملتے ہیں، ریلیز کب ہے؟
شاداب کو جواب دیتے ہوئے افتخار نے کہا کہ افتی مانیہ کا ٹکٹ سب کو نہیں ملتا لیکن آپ بڑے بھائی ہو۔ آپ کے لیے وی آئی پی ٹکٹ بنتا ہے۔
اس ٹوئٹ کے جواب میں شاداب خان نے ٹوئٹ کیا کہ صحیح بات ہے۔ ہم دونوں اپنے بڑے بھائی نسیم شاہ کی بولنگ دیکھا کرتے تھے، بچپن میں۔
بس پھر کیا تھا۔ نسیم شاہ نے بھی اپنے لمبے رن اپ کے ساتھ ٹوئٹ کر دی اور لکھا کہ جی بالکل، شاداب بھائی آپ صحیح کہہ رہے ہیں۔ افتخار بھائی کو وہ اسکول ڈراپ کرنے جاتے تھے۔ اب ایک جمے داری (ذمے داری) رہتی ہے میرے اپنے چھوٹے بھائی کی شادی کرانا۔
نسیم شاہ کی ٹوئٹ میں لفظ ذمہ داری کو جمے داری لکھنے پر ٹوئٹر صارفین نے پاکستانی فاسٹ بولر پر طنزیہ پوسٹس شروع کر دیں۔
مہوش اعجاز نامی صارف لکھا کہ بیٹا جمے داری کیا ہوتی ہے؟
Beta what is jimmedari did Sidharth Malhotra write this tweet
— Mahwash Ajaz 🇵🇰 (@mahwashajaz_) January 22, 2023
اس کے ساتھ ہی انہوں نے بھارتی اداکار کا ذکر کرتے ہوئے کہا کہ کیا سدارتھ ملہوترا، (جن کی حال ہی میں فلم مشن مجنو ں ریلیز ہوئی) انہوں نے یہ ٹوئٹ لکھی۔
فرزین نامی صارف کا کہنا تھا کہ نسیم نے مشن مجنوں تو نہیں دیکھ لی کہیں؟
Jimmedari 😂😂😂😂😂😂 Naseem ny mission majnu to nahi Dekh li Kahin
— Farzeen (@alookaparratha1) January 22, 2023
ٹوئٹر صارف رابعہ ابرار کا ٹوئٹ پر جواب دیتے ہوئے کہنا تھا کہ ابھی بنگلہ دیش پہنچے ہی ہو اور اردو کا قتل شروع۔
Hello !!! “ zimmaydaari “ ! Abhi Bangladesh pohanchay he ho Aur Urdu ka qatal shuru ? @iNaseemShah
— Rabee’a Abrar ربیعہ (@rubiaabrar) January 22, 2023
ٹوئٹر صارف نور نے نسیم شاہ کی تصویر شیئر کی۔ جس میں ان کے ہاتھوں میں خنجر ہیں۔
JIMEDAARI???FFS😭😭😭 pic.twitter.com/Yi9OD4fPUs
— Noor💥 (@noor_ishfaq) January 22, 2023
ایک اور ٹوئٹر صارف ہدیٰ نوید کا کہنا تھا کہ وہ سب تو ٹھیک ہے لیکن جمے داری سے پتا چلتا ہے کہ آپ نے ایک بھارتی کونٹنٹ رائٹر رکھ لیا ہے۔ کیا پاکستان میں ٹیلنٹ کی کمی ہے۔
Wo sab to theek hai but jimmedari tells me u hired an indian content writer or social media manager. Pakistan mai talent ki kami nahi.
— Huda Naveed (@Huda_Nav) January 22, 2023