بھارتی کرکٹ ٹیم کے کپتان اور بلے باز ویرات کوہلی ایشیا کپ نہیں کھیل رہے کیوں کہ ٹیم انتظامیہ نے انہیں آرام دینے کی غرض سے ایونٹ کا حصہ نہیں بنایا۔ لیکن ان سے متعلق خبریں گرم ہیں کہ وہ بالی وڈ میں دھماکے دار اینٹری دینے والے ہیں۔
کوہلی اور ان کی شریکِ حیات بالی وڈ کوئن انوشکا شرما کی جوڑی کو بہت سے لوگ شاہی جوڑی کہتے ہیں کیوں کہ دونوں ہی اپنی اپنی فیلڈز میں اپنے ہنر اور صلاحیتوں کی وجہ سے راج کر رہے ہیں۔
ویرات کوہلی نے سوشل میڈیا پر ایک پوسٹر شیئر کیا ہے جس میں کوہلی سپر ہیرو کے روپ میں نظر آرہے ہیں جس پر ’دی ٹریلر‘ کی عبارت درج ہے۔
Another debut after 10 years, can%27t wait! 😀 #TrailerTheMovie https://t.co/zDgE4JrdDT pic.twitter.com/hvcovMtfAV
— Virat Kohli (@imVkohli) September 21, 2018
رپورٹس میں کہا جارہا ہے کہ ویرات کرکٹ کے میدانوں کو فتح کرنے کے بعد اب بالی وڈ میں ڈیبیو کرکے دوسرے لوگوں کو ٹف ٹائم دینے کے لیے موڈ بنا بیٹھے ہیں۔
سوشل میڈیا پر وائرل اس پوسٹر میں 28 ستمبر کو مزید تفصیل منظرِ عام پر آنے کی نوید بھی دی گئی ہے۔
سوشل میڈیا ویب سائٹ ’ٹوئٹر‘ پر پوسٹر شیئر کرنے کے ساتھ ہی ویرات نے لکھا ہے کہ "10 سال بعد ایک اور ڈیبیو۔۔۔ انتظار نہیں ہورہا۔"
Time to tease you guys with a small teaser. 😋 https://t.co/wMju9mzDzh #TrailerTheMovie pic.twitter.com/Gl3ZZT20Ht
— Virat Kohli (@imVkohli) September 25, 2018