رسائی کے لنکس

logo-print

دو سو ارب ڈالر کے چینی سامان پر نیا امریکی ٹیکس


بیجنگ کے ایک سٹور میں امریکی جھنڈے اور چین کے نقشے والے جوتے فروخت کے لیے رکھے ہیں۔ 13 جولائی 2018

امریکہ کے صدر ڈونلڈ ٹرمپ نے اپنے مشیروں کو ہدایت دی ہے وہ چین سے آنے والی تقریباً 200 ارب ڈالر کی مصنوعات پر نئے محصولات لگائے کے لیے کام شروع کر دیں۔

جمعے کے روز بلوم برگ میں شائع ہونے والی ایک رپورٹ میں بتایا گیا ہے کہ دوسری جانب امریکہ کے وزیر خزانہ سٹیون منوچن چین کے ساتھ تجارتی تنازع حل کرنے کے لیے دوبارہ بات چیت کی کوشش کر رہے ہیں۔

کچھ رپورٹس میں بتایا گیا تھا کہ محصولات سے متعلق خبروں کے نتیجے میں امریکی تجارت میں کمی سے چین کی سمندر پار تجارت متاثر ہوئی ہے جس سے ڈالر کی شرح میں بہتری اور چین کی کرنسی یوآن کی قدر گر گئی ہے۔

نئے محصولات لگانے کی تیاری کا کام اس کے ایک ہفتے بعد شروع ہوا ہے جب صدر ٹرمپ نے امریکہ میں چین کی 200 ارب ڈالر کی درآمدات پر نئے محصولات لگانے کا عندیہ دیا تھا۔

ٹرمپ نے یہ دھمکی بھی دی تھی کہ وہ مزید 267 ارب ڈالر کی چینی مصنوعات پر ٹیکس لگا سکتے ہیں۔

ٹرمپ انتظامیہ پہلے ہی 50 ارب ڈالر کی چینی اشیا پر اضافی ٹیکس لگا چکی ہے۔

امریکہ نے پچھلے سال چین سے 505 ارب ڈالر کا سامان درآمد کیا تھا۔ لیکن شماریات کے امریکی بیورو نے بتایا ہے کہ اس سال جولائی تک پچھلے سال کی اسی مدت کے مقابلے میں درآ مدات میں 9 فی صد اضافہ ہوا ہے۔

فیس بک فورم

XS
SM
MD
LG