رسائی کے لنکس

logo-print

مشرقی تیمور میں پناہ گزینوں کے مرکز کی تعمیر پر بات چیت


مشرقی تیمور میں پناہ گزینوں کے مرکز کی تعمیر پر بات چیت

آسٹریلیا اور مشرقی تیمور نے ایک مشاورتی گروپ تشکیل دینے پر اتفاق کیا ہے جو مشرقی تیمور میں اقوام متحدہ کی زیر نگرانی پناہ گزینوں کا ایک علاقائی مرکز قائم کرنے کی تجاویز پر غور کرے گا۔

تارکین وطن امور کے آسٹریلوی وزیر کرِس بُواین (Chris Bowen) اور مشرقی تیمور کے صدر جوز راموس ہورتا (Jose Ramos-Horta) نے منگل کو دارالحکومت دلی میں ملاقات کی لیکن اس مجوزہ مرکز سے متعلق تفصیلات پر بات چیت نہیں کی گئی۔

تاحال یہ واضح نہیں ہو سکا ہے کہ آیا آسٹریلوی ٹیکس کنندگان سے موصول ہونے والی رقم سے پناہ کے خواہش مند افراد کے لیے بنایا جانے والا مرکز عارضی ہو گا یا مستقل۔

صدر راموس ہورتا کا موقف ہے کہ پناہ کے متلاشی افراد کو عارضی طور پر حراست میں لیا جائے اور اُن کی درخواستوں پر جلد فیصلے کو یقینی بنایا جائے۔

آسٹریلوی وزیر اعظم جولیا گیلارڈ ایک ایسا علاقائی مرکز قائم کرنے کا ارادہ رکھتی ہیں جہاں جنوب مشرقی ایشیا کے راستے آسٹریلیا پہنچ کر یہاں پناہ کے خواہش مند ہزاروں افرادکی درخواستوں کا جائزہ لیا جا سکے۔

XS
SM
MD
LG