رسائی کے لنکس

logo-print

چینی سفیر کی آنگ سان سوچی سے ملاقات


چینی سفیر کی آنگ سان سوچی سے ملاقات

چین نے کہا ہے کہ برما میں اس کے سفیر نے ملک میں حزب اختلاف کی رہنما آنگ سان سوچی سے ملاقات کی ہے۔

چین کی وزارت خارجہ کے ترجمان نے جمعرات کو بتایا کہ یہ ملاقات برما کی نیشنل لیگ فار ڈیموکریسی پارٹی کی سربراہ سوچی کی درخواست پر کی گئی لیکن یہ واضح نہیں کہ ملاقات کب ہوئی تھی۔

حالیہ مہینوں میں برما میں کئی سینیئر سفارت کار اس امید سے اکٹھے ہوئے ہیں کہ ملک کی نئی حکومت کئی دہائیوں سے فوجی دور کے خاتمے کے لیے اصلاحات پیش کرے گی۔

امریکی وزیر خارجہ ہلری کلنٹن نے گذشتہ ماہ برما کا دور کیا تھا، گذشتہ 50 سالوں کے دوران برما کا دورہ کرنے والی وہ پہلی امریکی وزیر خارجہ تھیں۔

چینی میڈیا نے مغرب کے ساتھ برما کے قریبی تعلقات کی کوششوں کو خوش آئند قرار دیا ہے لیکن کہا ہے کہ یہ روابط بیجنگ کے مفادات کی قیمت پر نہیں ہوں گے۔

ہلری کلنٹن نے اپنے دورے میں کہا تھا کہ وہ امریکہ کے برما سے تعلقات کو چین کے لیے خطرہ نہیں سمجھتیں۔ لیکن اس کے باوجود امریکی وزیر خارجہ کے دورے کے بعد چین اور برما کے تعلقات سے متعلق سوالات اٹھائے جا رہے ہیں۔

چین اور برما میں فوجی روابط کے علاوہ دونوں ممالک کے درمیان طویل عرصے سے

اقتصادی تعاون بھی موجود ہے۔

XS
SM
MD
LG