رسائی کے لنکس

logo-print

تبت میں بودھ بھکشو کی خود سوزی اور مظاہرے


تبت میں بودھ بھکشو کی خود سوزی اور مظاہرے

تبت کی انسانی حقوق کی ایک تنظیم نے کہاہے کہ چینی صوبے سچوان میں پولیس نے مظاہروں پر قابو پانے کے لیے ایک بودھ خانقاہ کو محاصرے میں لے لیا۔ یہ مظاہرے بدھ کے اس واقعہ کے بعد شروع ہوئے تھے جس میں ایک بودھ بھکشو نے خود کو آگ لگاکر خود سوزی کرلی تھی۔

تنظیم انٹرنیشنل کمپین فار تبت نے کہاہے کہ پولیس نے اس 21 سالہ بودھ بھکشو کو اس وقت مارا پیٹا تھا جب اس نے نگابا میں کریتی خانقاہ کے قریب خود کو آگ لگالی تھی۔

انسانی حقوق کی تنظیم نے کہاہے کہ اس واقعہ کے بعد سینکڑوں بھکشوؤں اور عام شہریوں نے خانقاہ کے قریب مظاہرہ کیا۔ پولیس نے ان پر قابو پانے کے لیے علاقے کا محاصرہ کرلیا اور قریبی سڑکوں پر گشت شروع کردیا۔

چینی حکام نے اس واقعہ پر کوئی تبصرہ نہیں کیا۔

مارچ کے مہینے میں تبت میں چینی حکمرانی کے خلاف پرتشدد مظاہروں کی تیسری برسی منائی جاتی ہے۔

XS
SM
MD
LG