پاکستان میں زلزلے کے بعد آفٹر شاکس: ہلاکتیں 37 ہوگئیں

ستمبر 24, 2019

زلزلے کے باعث میرپور کا علاقہ سب سے زیادہ متاثر ہوا جہاں انفرااسٹرکچر اور بجلی کی ترسیل کا نظام بری طرح متاثر ہوا۔

ویب ڈیسک —

پاکستان اور اس کے زیرِ انتظام کشمیر میں منگل کو آنے والے زلزلے کے بعد آفٹر شاکس کا سلسلہ جاری ہے۔ زلزلے کے باعث مختلف حادثات میں ہلاکتوں کی تعداد 37 تک پہنچ گئی جب کہ 300 سے زائد افراد زخمی ہوئے ہیں۔

خبر رساں ادارے 'رائٹرز' کے مطابق، پاکستان کے زیر انتظام کشمیر کے شہر میرپور کے ڈویژنل کمشنر محمد طیب نے 37 افراد کی ہلاکت کی تصدیق کی ہے۔

ان کے بقول، مرنے والوں میں خواتین اور بچے بھی شامل ہیں۔

پاکستان میں قدرتی آفات سے نمٹنے والے وفاقی ادارے (این ڈی ایم اے) کے چیئرمین لیفٹیننٹ جنرل محمد افضل نے بدھ کی صبح میڈیا سے گفتگو کے دوران زلزلے کے باعث ہونے والے نقصانات کی تفصیلات بتاتے ہوئے 26 افراد کی ہلاکت کی تصدیق کی تھی۔

اُن کے بقول، زلزلے کے نتیجے میں پاکستان کے زیر انتظام کشمیر کے علاقے میرپور اور جاتلاں میں تقریباً 450 گھر متاثر ہوئے جب کہ مختلف حادثات میں 300 سے زائد افراد زخمی بھی ہوئے۔

چیئرمین این ڈی ایم اے کا کہنا تھا کہ زخمیوں میں سے 80 کی حالت تشویش ناک ہے جنہیں طبی امداد دی جا رہی ہے۔ میرپور اور دیگر علاقوں میں سڑکوں کی بحالی کے لیے آرمی کے 20 دستے کام میں مصروف ہیں۔

یاد رہے کہ منگل کو آنے والے زلزلے کی ریکٹر اسکیل پر شدت پانچ اعشاریہ آٹھ ریکارڈ کی گئی جس سے سب سے زیادہ میرپور کا علاقہ متاثر ہوا۔ جہاں سڑکیں، پُل اور بجلی کی ترسیل کا نظام بری طرح متاثر ہوا۔

پاکستان میں زلزلے سے تباہی

میرپور میں زلزلے سے سڑکیں مکمل طور پر تباہ ہوگئیں جس سے ٹریفک کی روانی روک دی گئی۔ لوگ تباہ حال سڑک کو دیکھنے کے لیے اس کے کنارے پر کھڑے ہیں۔<br />
 
<div> </div> — 1/21 میرپور میں زلزلے سے سڑکیں مکمل طور پر تباہ ہوگئیں جس سے ٹریفک کی روانی روک دی گئی۔ لوگ تباہ حال سڑک کو دیکھنے کے لیے اس کے کنارے پر کھڑے ہیں۔

میرپور کے قریب واقع ساہانگ ککری گاوں میں ایک شخص زلزلے سے تباہ ہوجانے والے مکان کے ملبے سے کارآمد چیزیں تلاش کررہا ہے<br />
 
<div> </div> — 2/21 میرپور کے قریب واقع ساہانگ ککری گاوں میں ایک شخص زلزلے سے تباہ ہوجانے والے مکان کے ملبے سے کارآمد چیزیں تلاش کررہا ہے

میر پور کے دیہی علاقے ساہانگ ککری میں لوگ تباہ حالات مکانات کا جائزہ لے رہے ہیں<br />
 
<div> </div> — 3/21 میر پور کے دیہی علاقے ساہانگ ککری میں لوگ تباہ حالات مکانات کا جائزہ لے رہے ہیں

میرپور کے دیہی علاقے میں زلزلے سے تباہی کا ایک اور منظر<br />
 
<div> </div> — 4/21 میرپور کے دیہی علاقے میں زلزلے سے تباہی کا ایک اور منظر

5/21 جاتلاں میں زلزلے سے ایک شاہراہ پر پڑنے والی دراڑ کے قریب سے گزرتے ہوئے کچھ موٹر سائیکل سوار

ساہانگ ککری میں زلزلے سے تباہ ہونے والے مکان کے آنگن میں ایک شخص بچے کے ساتھ تباہی کا جائزہ لے رہا ہے<br />
 
<div> </div> — 6/21 ساہانگ ککری میں زلزلے سے تباہ ہونے والے مکان کے آنگن میں ایک شخص بچے کے ساتھ تباہی کا جائزہ لے رہا ہے

میرپور کے علاقے جاتلان میں پاکستان آرمی کے اہلکار ایک تباہ شدہ سڑک کے قریب سے گزر رہے ہیں۔ <br />
 
<div> </div> — 7/21 میرپور کے علاقے جاتلان میں پاکستان آرمی کے اہلکار ایک تباہ شدہ سڑک کے قریب سے گزر رہے ہیں۔

زلزلے سے منہدم مکانات کے ملبے سے کچھ بچے قیمتی اشیا تلاش کررہے ہیں<br />
 
<div> </div> — 8/21 زلزلے سے منہدم مکانات کے ملبے سے کچھ بچے قیمتی اشیا تلاش کررہے ہیں

میرپور کے رہائشی مکانات کے ملبے سے کارآمد اشیا نکال رہے ہیں<br />
 
<div> </div> — 9/21 میرپور کے رہائشی مکانات کے ملبے سے کارآمد اشیا نکال رہے ہیں

زلزلہ کی شدت کا اندازہ اس بات سے بھی لگایا جاسکتا ہے کہ کچے مکانات کے ساتھ ساتھ پکے مکانات بھی زلزلے کے طاقتور جھٹکوں کا مقابلہ نہ کرسکے<br /> — 10/21 زلزلہ کی شدت کا اندازہ اس بات سے بھی لگایا جاسکتا ہے کہ کچے مکانات کے ساتھ ساتھ پکے مکانات بھی زلزلے کے طاقتور جھٹکوں کا مقابلہ نہ کرسکے

زلزلے سے ہونے والی تباہی کا اندازہ زیر نظر تصویر سے بھی لگایا جاسکتا ہے۔ میر پور کی شاہراہ پر زلزلے سے گہری دراڑیں پڑ گئیں۔ تصویر میں شاہراہ پر کھڑے موٹر سائیکل سوار ان دراڑوں کو دیکھ رہے ہیں۔<br />
 
<div> </div> — 11/21 زلزلے سے ہونے والی تباہی کا اندازہ زیر نظر تصویر سے بھی لگایا جاسکتا ہے۔ میر پور کی شاہراہ پر زلزلے سے گہری دراڑیں پڑ گئیں۔ تصویر میں شاہراہ پر کھڑے موٹر سائیکل سوار ان دراڑوں کو دیکھ رہے ہیں۔

زلزلے کی شدت 5 اعشاریہ 8 بتائی جارہی ہے۔ زلزلے سے سڑکیں پھٹ گئیں، بجلی کے کھمبے گر گئے جب کہ ٹریفک کا نظام بری طرح متاثر ہوا۔<br />
 
<div> </div> — 12/21 زلزلے کی شدت 5 اعشاریہ 8 بتائی جارہی ہے۔ زلزلے سے سڑکیں پھٹ گئیں، بجلی کے کھمبے گر گئے جب کہ ٹریفک کا نظام بری طرح متاثر ہوا۔

جاتلاں، میر پور کی ایک شاہراہ پر زلزلے کی تباہی کا ایک افسوس ناک منظر<br />
 
<div> </div> — 13/21 جاتلاں، میر پور کی ایک شاہراہ پر زلزلے کی تباہی کا ایک افسوس ناک منظر

میرپور سے ملحقہ علاقے جاتلاں میں زلزلے سے سڑکیں تباہ ہوگئیں جن کی مرمت کا کام جاری ہے۔<br />
 
<div> </div> — 14/21 میرپور سے ملحقہ علاقے جاتلاں میں زلزلے سے سڑکیں تباہ ہوگئیں جن کی مرمت کا کام جاری ہے۔

زلزلے سے زخمی ہونے والے افراد کو میرپور کے اسپتال میں طبی امداد دی جارہی ہے۔<br />
<br /> — 15/21 زلزلے سے زخمی ہونے والے افراد کو میرپور کے اسپتال میں طبی امداد دی جارہی ہے۔

جاتلان میں آنے والے طاقتور زلزلے سے شاہراہوں پر پڑی دراڑ کے قریب لوگ جمع ہیں جبکہ امدادی کاموں میں شریک ایک کرین کو بھی تصویر کے پس منظر میں دیکھا جاسکتا ہے۔<br />
 
<div> </div> — 16/21 جاتلان میں آنے والے طاقتور زلزلے سے شاہراہوں پر پڑی دراڑ کے قریب لوگ جمع ہیں جبکہ امدادی کاموں میں شریک ایک کرین کو بھی تصویر کے پس منظر میں دیکھا جاسکتا ہے۔

میرپور میں آنے والے زلزلے کا ایک اور زخمی۔ زلزلے کے نتیجے میں اب تک 300 سے زائد افراد کے زخمی ہونے کی اطلاعات ہیں۔ میر پور میں زلزلے سے متعدد مکانات اور دکانوں کو شدید نقصان پہنچا ہے۔
<div> </div> — 17/21 میرپور میں آنے والے زلزلے کا ایک اور زخمی۔ زلزلے کے نتیجے میں اب تک 300 سے زائد افراد کے زخمی ہونے کی اطلاعات ہیں۔ میر پور میں زلزلے سے متعدد مکانات اور دکانوں کو شدید نقصان پہنچا ہے۔

18/21 میرپور کے نواحی علاقے جاتلاں میں زلزلے کے بعد ایک اسپتال کے باہر کھڑے لوگوں کا منظر

لاہور میں بھی منگل کی شام آنے والے زلزلے کے بعد لوگ عمارتوں سے باہر نکل آئے تھے۔<br /> — 19/21 لاہور میں بھی منگل کی شام آنے والے زلزلے کے بعد لوگ عمارتوں سے باہر نکل آئے تھے۔

چوبیس ستمبر کی شام آنے والے زلزلے کے جھٹکے لاہور میں بھی محسوس کیے گئے جس سے لوگوں میں خوف و ہراس پھیل گیا۔ بیشتر افراد خوف کے عالم میں گھروں، دکانوں اور دفاتر کی عمارتوں سے باہر نکل آئے۔
<div> </div> — 20/21 چوبیس ستمبر کی شام آنے والے زلزلے کے جھٹکے لاہور میں بھی محسوس کیے گئے جس سے لوگوں میں خوف و ہراس پھیل گیا۔ بیشتر افراد خوف کے عالم میں گھروں، دکانوں اور دفاتر کی عمارتوں سے باہر نکل آئے۔

دارالحکومت اسلام آباد میں زلزلے کے بعد لوگ پاکستان اسٹاک ایکسچینج کی عمارت کے باہر اکھٹے ہوگئے۔<br />
 
<div> </div> — 21/21 دارالحکومت اسلام آباد میں زلزلے کے بعد لوگ پاکستان اسٹاک ایکسچینج کی عمارت کے باہر اکھٹے ہوگئے۔

پاکستان کے زلزلہ پیما مرکز کا منگل کو کہنا تھا کہ زلزلہ مقامی وقت کے مطابق شام چار بجکر ایک منٹ اور 53 سیکنڈ پر آیا، جس کا مرکز صوبہ پنجاب کے شہر جہلم سے پانچ کلو میٹر شمال میں تھا، جب کہ زلزلے کی گہرائی 10 کلو میٹر ریکارڈ کی گئی تھی۔

پاکستان کے زیر انتظام کشمیر کی مقامی حکومت نے منگل کو جاری اپنے اعلامیے میں 26 سے زائد افراد کی ہلاکت اور 300 سے زائد کے زخمی ہونے کی تصدیق کی تھی۔

انتظامیہ کا مزید کہنا تھا کہ زخمیوں کو ڈسٹرکٹ ہیڈ کوارٹر اسپتال میرپور، کے آئی آر ایف اسپتال جاتلاں اور دیگر قریبی اسپتالوں میں طبی امداد دی جارہی ہے۔

پاکستان فوج کی امدادی ٹیمیں میرپور سمیت دیگر متاثرہ علاقوں میں موجود ہیں۔

ڈپٹی انسپکٹر جنرل پولیس میر پور سردار گل فراز خان کے مطابق، رات کے اوقات میں زلزلے کے آفٹر شاکس بھی محسوس کیے گئے ہیں۔ تاہم، صورت حال آہستہ آہستہ معمول پر آرہی ہے اور لوگوں کی تشویش میں کافی حد تک کمی واقع ہوئی ہے۔

Embed

پاکستان میں زلزلے سے جانی و مالی نقصان

by وائس آف امریکہ

Embed

width px height px

No media source currently available

0:00 0:00:42 0:00

وائس آف امریکہ کی نمائندہ گیتی آرا نے میرپور سے بتایا ہے کہ 200 کے لگ بھگ زخمیوں کو اسپتال پہنچایا گیا ہے جہاں اُنہیں طبی امداد فراہم کی جا رہی ہے۔

پاکستان کے زیر انتظام کشمیر کے وزیر اطلاعات مشتاق منہاس نے وائس آف امریکہ سے بات کرتے ہوئے بتایا کہ میر پور میں چار عمارتیں مکمل طور پر منہدم ہو گئی ہیں جبکہ کئی سرکاری عمارتوں اور مکانوں کو جزوی نقصان پہنچا ہے۔

مشتاق منہاس کے بقول میرپور کے قریب جاتلاں کے علاقے میں مرکزی سڑک مکمل طور پر تباہ ہوگئی ہے۔ تاہم، 80 فی صد ریسکیو آپریشن مکمل کرلیا گیا ہے اور دور دراز علاقوں میں امدادی ٹیمیں موجود ہیں۔

میر پور کے سینئر پولیس سپرنٹنڈنٹ پولیس راجہ عرفان نے ایک مقامی ٹیلی وژن کو بتایا کہ سڑکوں کی ٹوٹ پھوٹ اور بجلی کے کھمبے گرنے سے امدادی کارروائیوں میں رکاوٹیں پیش آ رہی ہیں جس سے زخمی اور ہلاک ہونے والوں کی تعداد میں اضافے کا اندیشہ ہے۔

منگل کو آنے والے زلزلے کے جھٹکے دارالحکومت اسلام آباد سمیت فیصل آباد، گوجرانوالہ، سیالکوٹ، گجرات، سرگودھا، ساہیوال میانوالی سمیت پنجاب کے دیگر شہروں کے علاوہ ملک کے شمالی علاقوں مانسہرہ، مالاکنڈ، چترال، شانگلہ، باجوڑ اور سوات میں بھی محسوس کیے گئے تھے۔

یاد رہے کہ پاکستان کے شمالی علاقوں میں 2005 میں آنے والے سات اعشاریہ چھ شدت کے زلزلے کے نتیجے میں 70 ہزار سے زائد افراد ہلاک اور 35 لاکھ بے گھر ہو گئے تھے۔

دوسری جانب پاکستان میں بجلی کی ترسیل کے ادارے 'واپڈا' کے ترجمان کے مطابق زلزلے سے منگلا ڈیم اور پاور ہاؤس کو کوئی نقصان نہیں پہنچا۔ تاہم، حفاظتی اقدامات کے پیش نظر منگلا پاور ہاؤس کی ٹربائنیں بند کردی گئی ہیں۔

پاکستان فوج کے ترجمان نے اپنے ایک ٹوئٹ میں کہا ہے کہ آرمی چیف نے پاکستان کے زیر انتظام کشمیر میں سویلین ایڈمنسٹریشن کی معاونت اور شہریوں کی امداد کے لیے فوری طور پر امدادی کارروائیاں شروع کرنے کی ہدایت کی ہے۔

ترجمان کا مزید کہنا ہے کہ فوج کے اہل کار، ایوی ایشن اور طبی امدادی ٹیمیں متاثرہ علاقوں کی جانب روانہ کردی گئی ہیں۔

پاکستان میں زلزلے کے بعد آفٹر شاکس: ہلاکتیں 37 ہوگئیں

پاکستان میں زلزلے سے تباہی

پاکستان میں زلزلے سے جانی و مالی نقصان

This item is part of

یہ بھی پڑھیے

زلزلےسے محفوظ گھر، کنڑول لائن پر غیر محفوظ

پاکستانی کشمیر میں زلزلے کے 13 برس بعد بھی تعمیرِ نو کا کام نامکمل

مظفرآباد: زلزلہ متاثرہ علاقوں کی تعمیر نو میں تاخیر کے خلاف احتجاج

پنجاب اور خیبر پختونخوا میں زلزلے کے دو شدید جھٹکے

رسائی کے لنکس

Follow Us

پاکستان میں زلزلے کے بعد آفٹر شاکس: ہلاکتیں 37 ہوگئیں

پاکستان میں زلزلے سے تباہی

پاکستان میں زلزلے سے جانی و مالی نقصان

This item is part of

یہ بھی پڑھیے

زلزلےسے محفوظ گھر، کنڑول لائن پر غیر محفوظ

پاکستانی کشمیر میں زلزلے کے 13 برس بعد بھی تعمیرِ نو کا کام نامکمل

مظفرآباد: زلزلہ متاثرہ علاقوں کی تعمیر نو میں تاخیر کے خلاف احتجاج

پنجاب اور خیبر پختونخوا میں زلزلے کے دو شدید جھٹکے