رسائی کے لنکس

logo-print

مصر سے اسرائیل گیس پائپ لائن پر حملہ


مصر سے اسرائیل گیس پائپ لائن پر حملہ

مسلح افراد نے قدرتی گیس کی مصر سے اسرائیل ترسیل کے لیے استعمال ہونے والی پائپ لائن پر بدھ کو حملہ کر کے اس میں دھماکا کر دیا ہے۔

مصری حکام کے مطابق شمالی علاقے الارش میں حالیہ مہینوں میں اس گیس پائپ لائن پر ہونے والا یہ دوسرا حملہ تھا۔ حکام کا کہنا ہے کہ اُنھوں نے آگ پر قابو پانے کے لیے پائپ لائن پر نصب والوزبند کر دیے ہیں۔

پانچ فروری کو ایک مختلف مقام پر دھماکے سے پائپ لائن کو شدید نقصان پہنچا تھا اور گیس کی برآمد کئی ہفتوں کے لیے معطل ہو گئی تھی۔

مصر سے اسرائیل اور اردن کو گیس برآمد کی جا رہی ہے لیکن ایندھن کی کم قیمت پر تحفظات کی وجہ سے دوطرفہ معاہدے حالیہ دنوں میں ہدف تنقید بنے ہوئے ہیں۔

XS
SM
MD
LG