رسائی کے لنکس

logo-print

فیس بک کی مالیت میں کمی


کمپنی نے اپنے اس نقصان کی کچھ ذمہ داری مارکیٹ میں اپنے شیئرز فروخت کے لیے پیش کیے جانے کے موقع پر کمپیوٹر سسٹم میں پیدا ہونے والی خرابی پر ڈالی ہے

سوشل میڈیا کی دنیا کی سب سے بڑی ویب سائٹ فیس بک نے کہاہے کہ بازار حصص میں کمپنی کی لانچ کے بعد زیادہ منافع کے توقعات کے برعکس اس سال کی دوسری سہ ماہی کے دوران اسے مالی نقصان اٹھانا پڑا ہے۔

آمدنی کے متعلق اپنی پہلی رپورٹ میں کمپنی نے کہاہے کہ فیس بک کے شیئرز فروخت کے لیے پیش کیے جانے کے بعد مئی میں اپنی ایک ارب 18 کروڑ مالیت پر 15 کروڑ 70 لاکھ ڈالر کا نقصان ہوچکاہے، جوپچھلےسال کے اسی عرصے کے مقابلے میں 30 فی صد زیادہ ہے۔

کمپنی نے اپنے اس نقصان کی کچھ ذمہ داری مارکیٹ میں اپنے شیئرز فروخت کے لیے پیش کیے جانے کے موقع پر کمپیوٹر سسٹم میں پیدا ہونے والی خرابی پر ڈالی ہے جس کے نتیجے میں اسے سرمایہ کاروں کو بطور تلافی کافی رقم ادا کرنی پڑی تھی۔

بازار حصص میں کمپنی کی شرکت کے بعد سے اب تک فیس بک کے شیئرز میں تقریباً 30 فی صد تک کمی واقع ہوچکی ہے۔

شیئرز کی قیمتوں میں کمی کا ایک بڑا سبب سرمایہ کاروں کا یہ خدشہ ہے کہ آیا فیس بک اشتہارات کے مدد سے اپنی آمدنی بڑھا سکتی ہے؟
XS
SM
MD
LG