اکسٹھویں گریمی ایوارڈ کا اعلان ہو گیا، امریکی سنگر لیڈی گاگا نے بیک وقت تین ایوارڈز اپنے نام کر لئے۔
میوزک انڈسٹری کے سب سے بڑے ایوارڈز شمار ہونے والے ’گریمی ‘ کی تقریب اتوار اور پیر کی درمیانی شب لاس اینجلس میں سجی۔
تقریب ہر بار کی طرح اس بار بھی رنگوں اور روشنیوں کے نور میں لپٹی ہوئی تھی۔اس پر سنگرز اور اداکاروں نے جو جلوے بکھیرے وہ یاد گار بن گئے۔
اسٹیپلز سینٹر ستاروں کی ’بھرمار‘ اور ان کے فیشن ایبل، دلکش ملبوسات سے جھلملا اٹھا جبکہ اس سے قبل ریڈ کارپٹ پر ہالی وڈ ستاروں نے سارا سماں منور کر دیا۔
تصاویر: گریمی ایوارڈز کی تقریب
’دس از امریکہ‘ کو سانگ آف دی ائیر قرار دیا گیا۔
لیڈی گاگا کے گانے کو بیسٹ پاپ سولو پرفارمنس کے ایوارڈ سے نوازا گیا۔ ان کے گانے ’وئیر ڈو یو تھنک یو آر گوئنگ‘ کو بیسٹ پاپ سولو پرفارمنس کیٹیگری میں منتخب کیا گیا۔
گاگا نے تین میں سے 2 ایوارڈز بریڈلی کوپر کے ساتھ فلم ’اے اسٹار از بورن‘ کے گانے’شیلو‘ کے لئے حاصل کئے۔
’بیسٹ ریپ پرفارمنس‘ اینڈرسن کو ان کے گانے’ببلن‘ کے لئے دیا گیا۔ پیریل ولیمز سال کے بہترین پروڈیوسر قرار پائے۔
کیسے مسگریوز کے البم’گولڈن آور‘ کو ’البم آف دی ائیر‘ قرار دیا گیا۔
ڈوپا لیپا ’بیسٹ نیو آرٹسٹ‘ قرار پائیں۔
’بیسٹ پاپ ووکل البم سوئٹنر‘ کا ایوارڈ ایریانا گرانڈے، لے اڑیں جبکہ ’بیسٹ ریپ سانگ گائیڈز پلان‘ کے لئے ڈریک کو ایوارڈ دیا گیا۔